ناق-ناق

كروسس-كانتري جارىسى

استانادا اۋەسقويلار اراسىندا كروسس-كانتريدەن «XC Open Pit 2013» جارىسى ءوتتى.

كروسس-كانتري – تاۋ ۆەلوسيپەدى سپورتىنىڭ ءبىر ءتۇرى. جارىستا جوعارى ورلەپ, تومەن قۇلديلاپ, جىلدامدىق پەن تەحنيكالىق بىلىكتىلىكتىڭ ءتۇرلى كەدەرگىلەرىنەن وتەدى.

كولبەر ۇرپاعىنىڭ كورمەسى

قازاقستانداعى فرانتسيا جىلى اياسىندا فرانتسيا ەلشىلىگى مەن «Has Sanat» ونەر گالەرەياسى فرانتسۋز سۋرەتشىسى اننا دە كولبەر-حريستوفوروۆتىڭ كورمەسىن ۇيىمداستىردى. اننا دە كولبەر-حريستوفوروۆ – تانىمال فرانتسۋز اۋلەتى كولبەروۆتاردىڭ ۇرپاعى. ونىڭ كورنەكتى وكىلى – فرانتسۋز ساياساتشىسى, قارجى ءمينيسترى بولعان جان-باتيست كولبەر.

بيىكتەن قۇلاپ, كوز جۇمدى

استانانىڭ سارىارقا اۋدانىندا كەشە قايعىلى وقيعا ورىن الدى دەپ حابارلايدى قر توتەنشە جاعدايلار مينيسترلىگىنىڭ ءباسپاسوز قىزمەتى. تەرەزەلەردىڭ جارىعىن تىعىنداپ, قىمتاماق بولعان 18 جاستاعى ونەركاسىپ ءالپينيستى 9-قاباتتان قۇلاپ, اۋرۋحانادا كوز جۇمدى.

جەدەل اۋرۋحاناعا ءتۇسۋ ازايدى

2013 جىلدىڭ 6 ايىنىڭ قورىتىندىسى بويىنشا, استانا قالاسىندا جوسپارلى تۇردە اۋرۋحاناعا جاتقىزۋ كورسەتكىشى وتكەن جىلدىڭ وسى كەزەڭىمەن سالىستىرعاندا  17,6%-عا ارتقان. ال, جەدەل اۋرۋحاناعا جاتقىزۋ كەرىسىنشە 17,6%-عا ازايعان. بۇعان قوسا, استانا قالاسى تۇرعىندارى «جۇكتىلىك, بوسانۋ جانە تۋعاننان كەيىنگى كەزەڭ» بويىنشا 19877 رەت ەمدەلگەن, بۇل جالپى اۋرۋحاناعا جاتۋ كورسەتكىشىنىڭ 31%-ىن قۇرايدى. بۇدان كەيىنگى ورىندا – «قان اينالىمى جۇيەسى اۋرۋلارى» (9867 وقيعا, 15,4%), ءۇشىنشى ورىندا «نەسەپ-جىنىس جۇيەسى ورگاندارىنىڭ اۋرۋلارى» (4768 ناۋقاس, 7,4%) تۇر.

كەشە

استانادا تەننيستەن قازاقستان پرەزيدەنتىنىڭ كۋبوگى ءۇشىن وتەتىن تۋرنير باستالدى.

بۇگىن

«PostPoetry» ادەبي ۇيىمىنىڭ ادەبي-سازدى كەشى وتەدى. شارانىڭ وتەتىن ورنى: رەسپۋبليكا داڭعىلى, 33ا. MYTOWN.

ەرتەڭ

تاۋەلسىزدىك سا­رايىندا «جاقسى كوڭىل-كۇي» اتتى ەلەنا بەي­سەم­بي­نانىڭ كورمەسى وتەدى.

سانسويلەم

12 000 استانادا جىل باسىنان بەرى وسىنشا جاياۋ جۇرگىنشىنىڭ زاڭ بۇزۋشىلىعى تىركەلدى.

ەركەجان ساتىمبەك