استانانىڭ 20 جىلدىعىنا ارنالعان «استانادان اق تىلەك» اتتى ارنايى باعدارلاما اياسىندا ەلوردانىڭ شىعارماشىلىق ۇجىمدارى شىعىس قازاقستانعا اتتانادى.
ەڭ الدىمەن استانالىق ونەرپازدار 17-18 شىلدە كۇندەرى سەمەي قالاسىندا ونەر كورسەتەدى. استانا كۇندەرى «ابايدىڭ قارا سوزدەرى جانە اندەرى» كونتسەرتىمەن باستالادى. وعان استانا قالاسىنىڭ مەملەكەتتىك اكادەميالىق فيلارمونياسىنىڭ قازاق وركەسترى, كلاسسيكالىق, ەسترادالىق جانە حالىق ۆوكالىنىڭ سوليستەرى قاتىسادى.
سپورتسۇيەر قاۋىم بالالار-جاسوسپىرىمدەر سپورت مەكتەبىندە دزيۋدودان استانا مەن سەمەي قالالارىنىڭ كوماندالارىنىڭ اراسىنداعى جولداستىق كەزدەسۋدى تاماشالاي الادى.
نەۆزوروۆتار اتىنداعى شىعىس قازاقستان وبلىستىق بەينەلەۋ ونەرى مۋزەيىندە وتاندىق 50 سۋرەتشىنىڭ ءتۇرلى جانرلاردا سالىنعان بىرەگەي 100 كارتينانى كورۋگە بولادى. تاۋەلسىزدىك سارايى دايىنداعان «اق تىلەكپەن, استانا!» كورمەسى ونەرسۇيەر قاۋىمنىڭ ىستىق ىقىلاسىنا بولەنىپ كەلەدى.
19-20 شىلدە كۇندەرى ەلوردالىق ارتىستەر وسكەمەن قالاسىنا ات باسىن تىرەيدى. مۇندا «ەرتىس» كونتسەرت زالىندا «استانادان اق تىلەك» گالا-كونتسەرتى كوپشىلىك نازارىنا ۇسىنىلادى.
جەرگىلىكتى مۇز ايدىنى ارەناسىندا شايبالى حوككەيدەن «استانا-2009» جانە «تورپەدو-
2009» كوماندالارى اراسىندا جولداستىق كەزدەسۋ ۇيىمداستىرىلادى.
