قىراعىلىعى جانە بەلسەندى ازاماتتىق ۇستانىمدارى ءۇشىن پوليتسيا دەپارتامەنتى باسشىلىعىنىڭ اتىنان نۇر-سۇلتان قالاسىنداعى №27 جانە №37 ورتا مەكتەپتەردىڭ وقۋشىلارى ءدىلنۇر امانگەلديەۆ پەن دانيار اسقاروۆ العىس حاتتارمەن, سىيلىقتارمەن ماراپاتتالدى.
نۇر-سۇلتان قالاسىنىڭ پوليتسيا دەپارتامەنتى باستىعىنىڭ ورىنباسارى رۇستەم شاريباەۆ بۇگىنگى كۇننىڭ باتىرلارىن قۇتتىقتاپ, ولاردىڭ اتا-انالارى مەن مۇعالىمدەرىنە العىستارىن ءبىلدىردى.
12 ماۋسىم كۇنى ساعات 20.00-دە ءۋاليحانوۆ كوشەسىندە ورنالاسقان ءبىر اۋلادا اراققا تويىپ العان ازامات كامەلەتكە تولماعان جاسوسپىرىمدەرگە قارۋ كەزەپ, ولاردىڭ زارەسىن العان. بۇل جاعدايدى پوليتسياعا كامەلەتكە تولماعان ەكى ازامات دەرەۋ حابارلاعان. پاترۋلدىك پوليتسيا پولكىنىڭ قىزمەتكەرى پوليتسيا اعا سەرجانتى رۋسلان شميدت بالالار كورسەتكەن ورىنعا تەز ارادا جەتىپ, قارۋ ۇستاعان ماس ادامدى ۇستاعان بولاتىن.
