الايدا قالانىڭ بارلىق مەديتسينالىق ۇيىمدارى جۇكتى ايەلدەردى, بالا ەمىزەتىن انالاردى, لاكتاتسيا كەزەڭىندەگى ايەلدەر مەن بالالاردى ۆاكتسينالاۋ ناۋقانىنا قاتىسپايدى. نۇر-سۇلتان قالاسىنىڭ دەنساۋلىق ساقتاۋ باسقارماسى Pfizer ۆاكتسيناسى سالىناتىن مەديتسينالىق ۇيىمدار ءتىزىمىن ۇسىنىپ وتىر:
– قالالىق №1, 2, 3, 4, 5, 6, 7, 8, 9, 10, 11, 12, 13, 14, 15 ەمحاناسى;
– «دوستىق» وتباسىلىق دەنساۋلىق ورتالىعى;
– «جانۇيا», «سالاۋاتتى استانا», «شيپاگەر», «كيروۆسكايا» جشس (بارلىق فيليالدارى). Pfizer ەكپەسىن الۋعا نيەت بىلدىرگەندەر اراسىندا جۇكتى ايەلدەر, بالا ەمىزەتىن انالار, بالالار جانە جاسوسپىرىمدەر بولدى. «قازاقستانعا Pfizer پرەپاراتى جەتكىزىلەتىنىن بىلگەندە اياعىم اۋىر بولاتىن. ەكپە الاتىندار قاتارىنا ىلىككەنىمە قاتتى قۋاندىم. ۆاكتسيناتسيا ءوز دەنساۋلىعىڭىزدى دا, جاقىندارىڭىز بەن اينالاڭىزداعى ادامداردىڭ دەنساۋلىعىن دا قورعاۋعا مۇمكىندىك بەرەدى. سوڭعى مالىمەتتەر بويىنشا بالالار مەن جۇكتى ايەلدەر كوروناۆيرۋسپەن ءجيى اۋىرا باستادى. ءوز باسىم دەنساۋلىق پەن قاۋىپسىزدىكتى قولدايمىن!» دەپ ءبولىستى گۇلفايرۋز ىسقاقوۆا. ال ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 1-كۋرس ستۋدەنتى تورەجان تۇرسىن ەكپە الۋ تۋرالى شەشىمدى بىردەن قابىلداپتى. «وسى جازدا وتباسىمىزبەن اۋىردىق. اۋرۋدى وتە اۋىر وتكىزەمىز دەپ ويلاماعان ەدىم. كوپ ۇزاماي وقۋىم باستالدى, وفلاين وقۋعا شىقتىق. ەگەر ۆاكتسيناتسيالانباسام, اعزامدى قورعاماسام, قايتادان اۋىرىپ قالۋىم مۇمكىن ەكەنىن بىلەمىن. ەكپە الۋدان قورىققان ەمەسپىن. مەن ءۇشىن ەڭ قورقىنىشتىسى – قايتا اۋىرۋ» دەيدى 17 جاسار ستۋدەنت نىق سەنىممەن.
وسىعان ۇقساس پىكىردى جاقىن ارادا انا اتانعالى جۇرگەن اسەل اداموۆا دا ايتادى. «ەلىمىز عانا ەمەس, بۇكىل الەم بۇل ۆيرۋسپەن قانشا ۋاقىتتان بەرى كۇرەسىپ كەلەدى. قاۋىپكە جۇكتى ايەلدەر دە, كىشكەنتاي بالالار دا ۇشىراي باستادى. جاڭا ءومىر ەسىگىن اشاتىن بالامنىڭ دەنساۋلىعى دا, ءوز دەنساۋلىعىم دا ماڭىزدى. سول سەبەپتى ەكپە الۋعا كەلدىم. ەكپەدەن قانداي دا ءبىر قاۋىپ كورىپ تۇرعان جوقپىن. مەن ءۇشىن الدىن الۋ مەن قورعانۋ الدەقايدا ماڭىزدى. ەڭ قورقىنىشتىسى – اۋىرىپ قالىپ, الدا نە كۇتىپ تۇرعانىن بىلمەۋ. مەن ءبارىن ەكپەنى تەزىرەك الۋعا شاقىرامىن» دەدى بولاشاق انا. ال №75 مەكتەپ-گيمنازيانىڭ مەديتسينالىق پۋنكتىنە 15-17 جاس ارالىعىنداعى التى ءجاسوسپىرىم ەكپە الۋعا كەلدى. ولاردىڭ ايتۋىنشا, ۆاكتسينا عانا ادامدى ۆيرۋس جۇقتىرۋدان قورعاي الادى. ەستەرىڭىزگە سالا كەتەيىك, ەلوردا بويىنشا Pfizer پرەپاراتىمەن ۆاكتسيناتسيالاۋعا جاتاتىندار اراسىندا 5 مىڭ جۇكتى ايەل, 28 مىڭ بالا ەمىزەتىن ايەل ادام, سونداي-اق 63 مىڭ بالا بار.
