سالتاناتتى شارالار ۋنيۆەرسيتەت رەكتورى ە.ن.شولانوۆ باستاعان ۋنيۆەرسيتەت ۇجىمى مەن قوناقتاردىڭ ماناش قوزىباەۆ ەسكەرتكىشىنە گۇل قويۋ راسىمىمەن باستالدى. ودان كەيىن جينالعاندار قازاقستان رەسپۋبليكاسى پرەزيدەنتىنىڭ ءارحيۆى ۇيىمداستىرعان «ارحيۆ جانە قوعام: تاۋەلسىز قازاقستاننىڭ تۇلعالارى: ماناش قوزىباەۆ» اتتى كورمەنى تاماشالادى. سونداي-اق ۋنيۆەرسيتەتتىڭ ءوز كۇشىمەن ۇيىمداستىرىلعان «اكادەميك ماناش قوزىباەۆ – 90» دەگەن كىتاپ كورمەسى تانىمدىق جاعىنان قۇندى كورىنگەنىن دە اتاپ ءوتۋ كەرەك.
بۇكىل الەمدى جايلاعان جۇقپالى دەرتتىڭ تارالىپ كەتۋ قاۋپىنەن ساقتانىپ, بەينەكونفەرەنتسيا تۇرىندە وتكەن جيىنعا قازاقستاننىڭ كورنەكتى عالىمدارى مەن قايراتكەرلەرى, شەتەلدەگى وتانداستىرىمىز قاتىسىپ, تاۋەلسىزدىگىنە 30 جىل تولعان قازاقستاننىڭ ءبىلىمى مەن عىلىمىنداعى جاڭالىقتار جانە كەلەشەك باعىتتارى تۋرالى كەڭىنەن وي ءبولىستى. جاپپاي ىقىلاستى, ماناش قوزىباەۆتىڭ ءوزى قاتىسىپ وتىرعانداي, كوتەرىڭكى كوڭىل سەرپىنى, مارقۇمنىڭ كىسىلىگى مەن ەڭبەگىنە دەگەن زور قۇرمەت پەن رياسىز سۇيىسپەنشىلىك سەزىمى جارقىراپ كورىنگەن كونفەرەنتسيانى قوزىباەۆ ۋنيۆەرسيتەتىنىڭ رەكتورى ەرلان نۇرلىبەكۇلى شولانوۆ كىرىسپە سوزبەن اشتى.
«ءبىز ماناش قوزىباەۆتىڭ اتىن يەلەنىپ وتىرعان سولتۇستىك قازاقستانداعى بىردەن-ءبىر ۋنيۆەرسيتەتتىڭ ستۋدەنتتەرى, قىزمەتكەرلەرى, پروفەسسور-وقىتۋشىلارى قازاقتىڭ ماناش قوزىباەۆ سياقتى ارداقتى پەرزەنتى, ۇلى عالىمى, تاۋەلسىزدىك جولىنداعى ايتۋلى كۇرەسكەرىنىڭ اتى مەن اتاعىنا, ازاماتتىعىنا لايىق بولۋعا ۇمتىلامىز, – دەدى ول. – ماناش قاباشۇلىنىڭ 90 جىلدىق مەرەيتويى قازاقستان تاۋەلسىزدىگىنىڭ 30 جىلدىعىمەن تۇستاس كەلىپ, ۋنيۆەرسيتەت دامۋىنىڭ جاڭا كەزەڭىنە كورىك بەرگەنىنە كۋا بولىپ وتىرمىز. ەلباسىمىز نۇرسۇلتان نازارباەۆ باتاسىن بەرگەن جوعارى وقۋ ورنى, پرەزيدەنتىمىز قاسىم-جومارت توقاەۆتىڭ قامقورلىعى ارقاسىندا مۇلدە جاڭا وزگەرىستەرگە اياق باسقان ۋنيۆەرسيتەت حالىقارالىق دەڭگەيگە شىعىپ, تىڭ باستامالارعا سەبەپ بولىپ وتىر. بيىل امەريكا قۇراما شتاتتارىنىڭ وزىق وقۋ ورىندارىنىڭ ءبىرى – اريزونا ۋنيۆەرسيتەتىمەن بايلانىس باستاپ, جاڭا جوسپارلار قۇردىق. ءبىزدىڭ ۋنيۆەرسيتەتتى بىتىرگەندەر ەكى ديپلوم الاتىن كۇن دە الىس ەمەس. قوزىباەۆ ۋنيۆەرسيتەتىنىڭ جاڭا ءزاۋلىم عيماراتى, جايلى جاتاقحانالارى سالىنىپ جاتىر. وسى زامانعى وزىق زەرتحانالار مەن اسپاپ-قۇرالدار ساتىپ الدىق.
كونفەرەنتسياعا قاتىسۋشىلارعا وبلىس اكىمى قۇمار اقساقالوۆتىڭ قۇتتىقتاۋىن ورىنباسارى عاني نىعىمەتوۆ وقىپ بەردى. سەناتتىڭ حالىقارالىق قاتىناستار جانە قورعانىس ىستەرى جونىندەگى كوميتەتىنىڭ توراعاسى مۇحتار قۇلمۇحاممەد ماناش قوزىباەۆتىڭ شاكىرتى, ونىمەن جيىرما جىل بويى قىزمەتتەس, قاناتتاس بولعان كەزىندە عالىمنىڭ بەلسەندى ازاماتتىق ۇستانىمىنا, وتانعا دەگەن بەرىلگەندىك سەزىمىنە سۋارىلعان قايراتكەرلىك قۋاتىنا, ازامات, باسشى, اعا رەتىندەگى عاجايىپ قاسيەتتەرىنە توقتالدى. مۇحتار ابرارۇلى كونفەرەنتسياعا قاتىسۋشىلارعا ارناعان قۇتتىقتاۋىن مىنا سوزدەرمەن اياقتادى: «…عۇلاما بىتكەن ءدۇنياۋي تىرلىكتەن ادا, جان مەن ءتانى تەك تازالىقتان, تۇنىقتىقتان تۇراتىن جان بولمايتىن با ەدى. اكادەميك ماناش قوزىباەۆ تا سونداي كىرشىكسىز سەزىم يەسى بولىپ ءوتتى دۇنيەدەن».
فرانتسيا مەملەكەتىندەگى قازاق مادەني ورتالىعى اتىنان عالىم-زەرتتەۋشى حاليفا التايدىڭ ۇلى ءابدىساميت التاي «…الىستا جۇرسەك تە, جۇرەگىمىز, تىلەگىمىز قازاقستانمەن بىرگە دەپ باستاعان وتانداسىمىز, م.قوزىباەۆ پەن ءوز اكەسى حاليفا التايدىڭ عىلىم جولىنداعى جەمىستى ىنتىماعىن ادەمى اڭگىمەلەپ جەتكىزدى. كونفەرەنتسيا جۇمىسى كەزىندە اكادەميك م.قوزىباەۆتىڭ تۋعانىنا 90 جىل تولۋىنا ارنايى شىعارىلعان كىتاپتاردىڭ تۇساۋكەسەر ءراسىمى وتكىزىلىپ, باسىلىمدار جۇرتقا تانىستىرىلدى.
نۇرگۇل احمەتوۆا,
م.قوزىباەۆ اتىنداعى سقۋ جۋرناليستيكا كافەدراسىنىڭ وقىتۋشىسى,
جۋرناليستيكا ماگيسترى
