ەلوردادا Pfizer پرەپاراتىمەن ۆاكتسيناتسيالاۋعا جاتاتىن كونتينگەنتتىڭ 8,6 مىڭنان استامى ەگىلدى.
ۆاكتسيناتسيادان وتكەندەر اراسىندا 12 جاستان اسقان 5 900-گە جۋىق ءجاسوسپىرىم بار. ودان كەيىن ەمىزەتىن انالار – 2 500-دەن استام, ال جۇكتى ايەلدەر – 191 ادام. قالالىق قوعامدىق دەنساۋلىق ساقتاۋ باسقارماسى وقۋشىلاردىڭ مەديتسينالىق ۇيىمداردا دا, ءبىلىم بەرۋ مەكەمەلەرىنىڭ مەديتسينالىق پۋنكتتەرىندە دە بەلسەندى ۆاكتسيناتسيالاناتىنىن حابارلادى. ۆاكتسيناتسيالانعانداردىڭ وزدەرى اتاپ وتكەندەي, ۆاكتسينا جەڭىل ءارى ەشقانداي اسقىنۋسىز ءوتىپ جاتىر. جالپى قالا بويىنشا كۆي-عا قارسى ۆاكتسينانىڭ ءبىرىنشى كومپونەنتىن 475 مىڭعا جۋىق ازامات الدى, ال 434 مىڭعا جۋىق تۇرعىن يممۋنداۋدىڭ تولىق كۋرسىنان ءوتتى. سونداي-اق ەلوردادا كومپونەنتتەر اراسىنداعى ينتەرۆالعا سايكەس ازاماتتاردىڭ رەۆاكتسيناتسياسى جالعاسۋدا. قالادا 1600-دەن استام ادام قايتا ەگىلدى.
