پولشا پرەزيدەنتى اندجەي دۋدا ەكسپو كورمەسى اياسىندا وتكىزىلگەن پولشانىڭ ۇلتتىق كۇنىنە قاتىستى.
ارنايى رەسمي ساپارمەن كەلگەن جوعارى مارتەبەلى قوناق الەم ەلدەرىنىڭ وركەندەۋى ءۇشىن جاڭعىرمالى ەنەرگيا كوزدەرىنىڭ دامۋى اسا ماڭىزدى ەكەندىگىن ايتتى. ونىڭ ايتۋىنشا, ەكونوميكا, ساۋدا, ونەركاسىپ جانە باسقا سالالاردىڭ قىزمەتى ەنەرگەتيكانىڭ دامۋىنا تىكەلەي تاۋەلدى.
– بۇگىندە بالامالى ەنەرگيا كوزدەرى ارقىلى ەنەرگەتيكالىق تاۋەلسىزدىكتى قامتاماسىز ەتۋگە بولادى. «ەكسپو-2017» كورمەسىنە قاتىسقان پولشانىڭ جەرگىلىكتى بيلىگى, عالىمدارى مەن ساراپشىلارى بولاشاقتا قولداناتىن قۇندى تاجىريبە جيناقتاعانىنا سەنىمدىمىن. قازاقستان ۇكىمەتى مەن بارشا حالقىن ەلورداداعى كورمەنى ءساتتى وتكىزۋىمەن شىن جۇرەكتەن قۇتتىقتايمىن. كورمە ورتالىق ازيا اۋماعىندا العاش رەت وتكىزىلۋدە. بۇل – سوڭعى 26 جىل ارالىعىنداعى ەل جەتىستىگىنىڭ ايقىن دالەلى. وسىنداي جوعارى دەڭگەيدە ۇيىمداستىرىلعان شاراعا قاتىسۋ – ءبىز ءۇشىن ۇلكەن مارتەبە, – دەدى اندجەي دۋدا.
پولشا پاۆيلونىنىڭ تاقىرىبى «تابيعات كەزەڭدەرى» دەپ اتالادى. مەملەكەت كورمە اياسىندا «جاسىل» ەنەرگيا سالاسىنداعى جەتىستىكتەر تۋرالى تىڭ اقپاراتتار ۇسىنۋدا.
ايتا كەتەيىك, پولشا «ەكسپو-2022» حالىقارالىق مامانداندىرىلعان كورمەسىن لودز قالاسىندا ۇيىمداستىرۋعا جانە وتكىزۋگە ءوتىنىم بەردى.
