پرەزيدەنت اكىمشىلىگىنىڭ باسشىسى مەملەكەتتىك اپپاراتتىڭ ءتيىمدى جۇمىسىن قامتاماسىز ەتۋدى تاپسىردى
قر پرەزيدەنتى اكىمشىلىگىنىڭ باسشىسى نۇرلان نىعماتۋلين ورتالىق اتقارۋشى ورگانداردىڭ جاۋاپتى حاتشىلارى ينستيتۋتىن ودان ءارى دامىتۋ ماسەلەلەرى جونىندە كەڭەس وتكىزدى, دەپ حابارلايدى اقوردانىڭ ءباسپاسوز قىزمەتى.
اقوردادا پرەزيدەنت اكىمشىلىگى باسشىلىعى جانە مينيسترلىكتەر مەن اگەنتتىكتەردىڭ جاۋاپتى حاتشىلارى قاتىسقان كەزدەسۋ بارىسىندا مەملەكەتتىك ورگانداردىڭ مەملەكەت باسشىسى اكتىلەرى مەن تاپسىرمالارىن ورىنداۋ, مەملەكەتتىك قىزمەت كورسەتۋ, بيۋدجەت قاراجاتىن پايدالانۋ, سونداي-اق ستراتەگيالىق ماقساتتار مەن مىندەتتەردى اتقارۋ سالاسىنداعى جۇمىسىندا كەزدەسەتىن نەگىزگى پروبلەمالار تالقىلاندى.
بۇدان بولەك, ورتالىق اتقارۋشى ورگانداردىڭ اعىمداعى جۇمىسىنىڭ ءتۇرلى ماسەلەلەرىن تالقىلاۋ جانە شەشۋ ماقساتىمەن پرەزيدەنت اكىمشىلىگى باسشىسىنىڭ جاۋاپتى حاتشىلارىمەن اپتا سايىنعى كەزدەسۋىن وتكىزۋ تاجىريبەسىن ەنگىزۋ جونىندە شەشىم قابىلداندى.
كەڭەس قورىتىندىسى بويىنشا جاۋاپتى حاتشىلارعا مەملەكەتتىك اپپاراتتىڭ تۇراقتى جانە ءتيىمدى جۇمىسىن قامتاماسىز ەتۋ جونىندە ناقتى تاپسىرمالار بەرىلدى.