قابىلەتتى ماماندار قايدان شىعادى؟
باسەكەگە قابىلەتتى مامان دايارلاۋ – بۇگىنگى كۇننىڭ باستى تالابى. ەلباسى بيىلعى جولداۋىندا: «جاستاردى قازاقستاندىق پاتريوتيزمگە شىعارماشىلىق جاعىنان دامىعان جەكە تۇلعا رەتىندە تاربيەلەۋ قاجەت. بۇگىننەن باستاپ ۇلتتىق مىنەز-قۇلىق, بيىك تالعامپازدىق, تاكاپپارلىق, تەكتىلىك, بىلىمدىلىك, بيىك تالعام, ۇلتتىق نامىس قاسيەتتەرىن ءسىڭىرىپ قالىپتاستىرۋىمىز كەرەك» دەگەن بولاتىن. بۇلاي ەكپىن ءتۇسىرىپ ايتۋىنىڭ ءوزى ەلىمىزدىڭ ساياسي-الەۋمەتتىك, ەكونوميكالىق تۇرعىدان جەتىپ وتىرعان مەملەكەتتىگىمىزدىڭ تۇراقتىلىعىن ساقتاپ, ونى بولاشاققا امانات ەتۋدى كوزدەيدى. مىنە, وسى تۇرعىدان كەلسەك, ءبىلىم بەرۋ سالاسىندا پاتريوتتىق تۇرعىدا تاربيە بەرۋ – وزەكتى ماسەلە.
ۋاقىت تالابى ەلىمىزدىڭ كەدەن قىزمەتىنىڭ الدىنا جاڭا مىندەتتەر قويىپ وتىر. سوندىقتان, قارجى پوليتسياسى اكادەمياسىنىڭ وقىتۋشىلارى ءاربىر جاس بۋىندى كەلەشەكتە باسەكەگە قابىلەتتى, جان-جاقتى دامىعان, ءوز وتانىنا قىزمەت ەتۋگە دايار تۇلعا رەتىندە دايىنداۋدا. ماسەلەن, جۋىردا عانا «كاسىپتىلىك – قازاقستاننىڭ كەدەن قىزمەتىن جاڭعىرتۋ شارتى» اتتى دوڭگەلەك ۇستەل ءماجىلىسى وتكىزىلدى. وعان كەدەندىك باقىلاۋ كوميتەتىنىڭ وقۋ جانە ادىستەمەلىك جۇمىسىن ۇيىمداستىرۋ ءبولىمىنىڭ باستىعى سۆەتلانا قۇدياروۆا, قارجى پوليتسياسى اكادەمياسى باسشىسىنىڭ عىلىمي-زەرتتەۋ جۇمىستارىن ۇيىمداستىرۋ جانە حالىقارالىق ىنتىماقتاستىق جونىندەگى ورىنباسارى سۆەتلانا ارىستامباەۆا جانە استانا قالالىق «جاس وتان»
جاستار قاناتى فيليالىنىڭ اتقارۋشى حاتشىسى سالتانات ءالي قاتىستى. جيىندا «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى مەملەكەت باسشىسىنىڭ ماقالاسى كەڭىنەن تالقىلاندى.
جاڭا عاسىر – ءبىلىمدى جاستاردىڭ قولىندا. وركەنيەتتى ەلدەر اراسىنداعى ەكونوميكالىق باسەكەلەستىك ءبىلىم دەڭگەيىمەن عانا ايقىندالادى دەسەك, بۇگىندە اكادەميا مەن كەدەندىك باقىلاۋ دەپارتامەنتى اراسىنداعى تىعىز ىنتىماقتاستىقتىڭ ناتيجەسىندە تىڭداۋشىلاردىڭ كاسىبي تاجىريبەسى ءتيىستى دەڭگەيدە ۇيىمداستىرىلادى. جىل سايىن دەپارتامەنتتە قارجى پوليتسياسى اكادەمياسىنىڭ «كەدەن ءىسى» ماماندىعى بويىنشا تىڭداۋشىلارى وقۋ-وندىرىستىك ءتاجىريبەدەن وتەدى. سوندىقتان ولاردى
تارتىپكە, ۇقىپتىلىققا جانە ادامگەرشىلىككە باۋليتىن ارنايى تالىمگەر تاعايىندالادى. ولار وقۋ-وندىرىستىك تاجىريبەدەن ءوتۋ كەزىندە تىڭداۋشىنى تاڭداعان ماماندىعى بويىنشا ورىندايتىن جۇمىسىنىڭ سيپاتى جانە ەرەكشەلىكتەرىمەن تانىستىرىپ, جاس مامانداردىڭ مەملەكەتتىك قىزمەتكەر بولىپ قالىپتاسۋى ءۇشىن كەدەن ورگاندارى جۇمىسىنىڭ نەگىزگى قاعيدالارىن, جۇمىستىڭ ادىستەرىن ۇيرەتەدى.
وقۋ ساباقتارىنا كەدەن ورگاندارىنىڭ تاجىريبەلى قىزمەتكەرلەرى دە كوپتەپ تارتىلۋدا. كەدەندىك باقىلاۋ مەن كەدەندىك رەسىمدەۋدىڭ زاماناۋي تەحنولوگيالارىن زەرتتەپ, ولاردى وقۋ ۇردىسىندە ۋاقىتىلى قولدانۋ ماقساتىندا وقىتۋشىلار ءۇشىن دە تاعىلىمدامالار ءجۇرگىزىلەدى. كەدەندىك ەرەجەلەر مەن ءراسىمدەردىڭ تيىمدىلىگىن جوعارىلاتۋ جانە جەتىلدىرۋدە ەڭ الدىمەن كەدەندىك اكىمشىلىك جۇرگىزۋدىڭ زاماناۋي ادىستەرىن يگەرگەن مامانداردى دايارلاۋ قاجەت. ەندەشە, بۇگىنگى بۋىننىڭ تۇرمىسى ءتۇزۋ, تىرشىلىگى جاقسى بولۋى ءۇشىن دەپارتامەنت قىزمەتكەرلەرى مامانداردى دايارلاۋدا ەلباسى ايتقان قاسيەتتەردى قالىپتاستىرۋعا جۇمىلا جۇمىس ىستەي بەرەدى.
زۋلفيرا سپانوۆا,
استانا قالاسى بويىنشا
كەدەندىك باقىلاۋ دەپارتامەنتىنىڭ باس مامانى