بارشاڭىزدى كاسىبي مەرەكەمەن شىن جۇرەكتەن قۇتتىقتايمىن. ۇلى ابايدىڭ سوزىمەن ايتقاندا, «ادامنىڭ ادامشىلىعى – ۇستازدان» دەيدى. سىزدەر بالالارعا ءبىلىم بەرۋمەن, ياعني زياتكەر ۇرپاق تاربيەلەۋمەن اينالىساسىزدار. بۇل – ۇلكەن ابىرويلى ءىس. وسى تاۋەلسىزدىك جىلدارى ەلباسىمىزدىڭ زياتكەر ۇرپاق يدەياسىنا سايكەس كوپتەگەن ءبىلىم وشاعى بوي كوتەردى. قازىرگى ۋاقىتتا ەلوردادا 117 ورتا مەكتەپ بار, 377 بالاباقشا جۇمىس ىستەيدى. 16 جوعارى وقۋ ورنى, 33 كوللەدج بار. بۇل ءبىلىم وشاقتارىنىڭ بارلىعىندا مۇعالىمدەر ايانباي ەڭبەك ەتۋدە. مەملەكەت باسشىسى ۇستازدىڭ مارتەبەسى جونىندە زاڭ قابىلدادى. ياعني, ۇستازدارعا دەگەن مەملەكەتتىك قامقورلىق كۇشەيدى. بۇل – ۇلكەن قولداۋ. سوندىقتان سىزدەردىڭ جۇمىستارىڭىزعا ساتتىلىك تىلەگىم كەلەدى. بيىلعى جىل ەرەكشە جىل, پاندەميا بارشا مەملەكەتكە قيىندىق تۋعىزدى. سىزدەر وسى ەرەكشە جىلى ۇلكەن ەڭبەك اتقارىپ جاتىرسىزدار. وسى ەڭبەكتەرىڭىزگە مول تابىس تىلەيمىن. شاكىرتتەرىڭىز جەتىستىكتەرگە جەتە بەرسىن. تاۋەلسىز ەلىمىزدىڭ كوك بايراعىن جوعارى كوتەرەتىن ازاماتتار بولىپ وسە بەرسىن! مەرەكە قۇتتى بولسىن!
التاي كولگىنوۆ,
نۇر-سۇلتان قالاسىنىڭ اكىمى
