نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى ەلوردا اكىمدىگىنىڭ «شاراپات» الەۋمەتتىك قىزمەت كورسەتۋ ورتالىعىندا تەگىن مانيكيۋر جانە شاشتاراز قىزمەتتەرىن ۇيىمداستىردى.
بۇل شارا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا جۇزەگە اسىرىلىپ وتىر. وقۋعا قاتىسۋشىلار قاريالاردىڭ شاشىن قيىپ, مانيكيۋر جاساپ, ولارعا جاعىمدى كوڭىل-كۇي سىيلادى.
نۇرلان يسەكەەۆ, نۇر-سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى:
– ءبىزدىڭ ورتالىق ارقىلى «ەڭبەك» باعدارلاماسىمەن شاشتاراز, مانيكيۋر, پەديكيۋر بويىنشا كاسىپتىك قىسقا مەرزىمدى وقۋ وقىپ جاتقان جاستار قارتتار ءۇيىنە كەلىپ قاريالارعا تەگىن الەۋمەتتىك قىزمەت كورسەتتى. مەكەمەنى ءوزىمىز تاڭدادىق, باسقا دا الەۋمەتتىك مەكەمەلەرگە بارۋدى جوسپارلاپ وتىرمىز. ولار «تامسان» وقۋ ورتالىعىندا وقىعانىن پراكتيكا جۇزىندە ىسكە اسىرادى.
– قازىرگى ۋاقىتتا «شاراپات» ورتالىعىندا 324 ادامعا قىزمەت كورسەتىلدى, ونىڭ ىشىندە 1-ءنشى, 2-ءىنشى توپ مۇگەدەكتەرى بار, وتان سوعىسى ارداگەرلەرى مەن سوعان تەڭەستىرىلگەندەر, تىڭ يگەرۋشىلەر بار, قيمىل-قوزعالىسسىز قالعاندار سانى جۇزدەن اسادى.
جادىرا مۇراتبەكوۆا
