«قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى جارلىعىمەن جەر كودەكسىنىڭ كەيبىر نورمالارىن قولدانۋعا موراتوري جاريالاندى.
مەملەكەت باسشىسىنىڭ تاپسىرماسىمەن جەر رەفورماسى بويىنشا كوميسسيا قۇرىلدى. ونىڭ قۇرامىنا ازاماتتىق قوعام ينستيتۋتتارىنىڭ باسشىلارى مەن بەلسەندىلەرى كىردى.
ازاماتتار كوميسسيا جۇمىسىنا وڭىرلەردە قۇرىلعان قوعامدىق كەڭەستەر ارقىلى دا قاتىسا الادى.
كوميسسيا وتىرىسىندا پىكىر الماسۋ بارىنشا اشىق. ونىڭ قىزمەتى اقپارات قۇرالدارىندا تۇراقتى جاريالانۋدا. ارنايى اشىلعان jerturaly.kz سايتىندا قازاقستاندىقتار ءوز سۇراقتارىن كوميسسياعا قويىپ, ۇسىنىس-تىلەكتەرىن بەرە الادى.
ءبىر سوزبەن, جەر ماسەلەسى بويىنشا كەز كەلگەن پىكىر ءبىلدىرۋ ءۇشىن بارلىق جاعداي جاسالعان.
الايدا, كەيبىر ادامدار وسىنداي جاعداي مەن زاڭ تالاپتارىن ەلەمەي, ورتاق ديالوگتان قاشىپ, حالىقتى زاڭسىز قارسىلىق اكتسيالارىنا شاقىرۋدا.
الەۋمەتتىك, ۇلتارالىق ارازدىقتى قوزدىرۋ ءۇشىن جالعان اقپارات ادەيى تاراتىلىپ جاتىر.
مۇنداي ارەكەتتەر قازاقستان رەسپۋبليكاسىنىڭ زاڭدارىنا قايشى كەلەدى.
وسىعان بايلانىستى قوعامدىق تۇراقتىلىقتى ساقتاۋ ءۇشىن ەل ازاماتتارىن مۇنداي ارانداتۋعا بوي الدىرماۋعا, ازاماتتىق ۇستانىم مەن جاۋاپكەرشىلىك تانىتۋعا شاقىرامىن.
«پروكۋراتۋرا تۋرالى» زاڭنىڭ 25-2-بابىن باسشىلىققا الىپ, زاڭسىز ميتينگكە شاقىرۋ, ونى ۇيىمداستىرۋ, ءتىپتى وعان قاتىسۋدىڭ ءوزى اكىمشىلىك نەمەسە قىلمىستىق جاۋاپكەرشىلىككە اكەپ سوعاتىنىن ەسكەرتەمىن.
قۇقىق قورعاۋ ورگاندارى كەز كەلگەن زاڭ بۇزۋشىلىقتىڭ جولىن كەسىپ, قىلمىستىق قۋدالاۋعا دەيىن زاڭدا كوزدەلگەن شارالاردى دەرەۋ قابىلداۋعا مىندەتتى.
