قازاقتىلدى ۇزدىك سايتتار انىقتالدى
مەملەكەتتىك ءتىلدى دامىتۋ قورى قازاقتىلدى سايتتاردىڭ ۇلتتىق بايگەسىنىڭ قورتىندىسىن شىعاردى.
جەڭىمپازدار 5 اتالىم بويىنشا انىقتالدى. «ءوتكىر ءتىل» اتالىمى بويىنشا مەملەكەتتىك ءتىل مەن ۇلتتىق قۇندىلىقتاردى ناسيحاتتاۋشى ۇزدىك سايت بولىپ www.ult.kz اقپاراتتىق پورتالى تاڭدالدى. «رۋحاني ازىق» اتالىمى بويىنشا ۇزدىك بولىپ ادەبيەت پەن مادەنيەتتى ناسيحاتتاۋشى www.massagan.com ينتەرنەت-سايتى دارالاندى. «تەرەڭ ىزدەنىس» اتالىمى بويىنشا تاريحىمىزدى ناسيحاتتاۋشى www.abay.kz سايتى ۇزدىكتەر قاتارىنا ءىلىندى. ال «شىنايى ءومىر» اتالىمى بويىنشا قوعامداعى وزەكتى ماسەلەلەردى كوتەرەتىن www.minber.kz جانە «سپورت تىنىسى» نوميناتسياسىندا سپورت جانە سالاۋاتتى ءومىر سالتىن ناسيحاتتاۋشى www.alasharena.kz سايتى بيىكتەن كورىندى.
شاراعا قور قامقورشىلار كەڭەسىنىڭ مۇشەسى, قر پارلامەنتى ءماجىلىسىنىڭ دەپۋتاتى نۇرتاي سابيليانوۆ, «ەۋرازيا ءبىرىنشى ارناسى» باس ديرەكتورىنىڭ ءبىرىنشى ورىنباسارى مۇحتار ەرمان, قوردىڭ ساراپتامالىق كەڭەسىنىڭ مۇشەسى, جازۋشى, جۋرناليست بولات ءجۇنىسبەكوۆ, بەلگىلى تەلەجۇرگىزۋشى يۋليا كۋشنارەۆا جانە مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ تورەلىك ەتتى.
بايقاۋ جەڭىمپازدارىنىڭ ارقايسىسى باس دەمەۋشى «سامۇرىق قازىنا» اق-نىڭ 150 ء000(جۇز ەلۋ مىڭ) تەڭگە كولەمىندەگى اقشالاي سىيلىعىمەن, ءاربىر اتالىم بويىنشا ازىرلەگەن ستاتۋەتكامەن جانە مەملەكەتتىك ءتىلدى دامىتۋ قورىنىڭ ارنايى ديپلومىمەن ماراپاتتالدى.
ۇيىمداستىرۋشىلاردىڭ ايتۋىنشا, اتالمىش شارا بۇدان بىلاي ءار جىل سايىن ءداستۇرلى تۇردە وتكىزىلمەك.
ايگەرىم بالعاباەۆا