ەلدەن زاڭسىز شىعارىلعان قارجىنى قايتارۋ باستالعالى بەرى 1 ترلن تەڭگە قازىناعا قايتارىلعان.
قارجى مينيسترلىگىنىڭ مەملەكەتتىك كىرىستەر كوميتەتىنە قارايتىن ءىرى سالىق تولەۋشىلەر دەپارتامەنتىنىڭ ديرەكتورى ينكار ەلۋباي حابارلاعان سوڭعى دەرەكتەرگە سايكەس, 2 مىڭنان استام ازامات قازىناعا جاقىن ارادا 2,967 ملرد تەڭگە قايتارۋى كەرەك. الايدا ءماجىلىس دەپۋتاتى باقىتجان بازاربەك ءالى دە وفشورلاردا 45 ملرد دوللار قارجى جاسىرىلعانىن مالىمدەدى. جالپى زاڭسىز اكتيۆتەردى قايتارۋ ناۋقانى 2023 جىلدىڭ شىلدەسىندە مەملەكەت باسشىسى زاڭسىز ساتىپ الىنعان اكتيۆتەردى قايتارۋ تۋرالى زاڭعا قول قويعان ساتىنەن باستالدى. پرەزيدەنتتىڭ جارلىعىمەن وتكەن جىلدىڭ 5 قازانىندا باس پروكۋراتۋرانىڭ اكتيۆتەردى قايتارۋ جونىندەگى كوميتەتى قۇرىلىپ, بۇل قۇرىلىم اكتيۆتەردى قايتارۋ جونىندەگى ۋاكىلەتتى ورگان دەپ بەكىتىلدى.
