شەشەن حالقىنىڭ اياۋلى پەرزەنتى, كسرو حالىق ءارتىسى, سوتسياليستىك ەڭبەك ەرى, اتاقتى ءبيشى, حورەوگراف, بالەتمەيستەر, اكتەر ماحمۋد ەسامباەۆ اقمولا وڭىرىنە ءۇش مارتە كەلىپ ونەر كورسەتكەن. قازاقستاندى ءوزىنىڭ ەكىنشى وتانى ساناعان ءبيشى بالالىق شاعىندا اقمولا وبلىسىنىڭ ماكينكا اۋىلىنا جەر اۋدارىلىپ كەلگەن تۋعان-تۋىستارىن كوپ ساعالاعان. اباي اتىنداعى قازاق مەملەكەتتىك وپەرا جانە بالەت تەاترىنىڭ ساحناسىندا شىڭدالعان.
ماحمۋد ەسامباەۆ 1969 جىلى 15 ماۋسىمدا تىڭ يگەرۋشىلەر سارايىندا بي بيلەپ, قۇرمەتتى قوناقتار كىتابىنا «اسەم سارايدا ونەر كورسەتكەنىمە قۋانىشتىمىن, سىزدەردىڭ قالاعا قايتا-قايتا كەلىپ, عاجايىپ سارايدا بي بيلەۋگە تىرىسامىن» دەپ ءوزىنىڭ جىلى لەبىزىن قالدىرىپتى. ءبيشى ۋادەسىندە تۇردى. ول 1982 جىلى 17-19 جەلتوقساندا تسەلينوگراد قالاسىنا شىعارماشىلىق ساپارمەن كەلىپ, ونەر سۇيەر شاھار تۇرعىندارىنا تاعى دا اسەم بيىمەن كوتەرىڭكى كوڭىل كۇي سىيلادى.
سۋرەتتە ماحمۋد ەسامباەۆ تاۋ حالقىنىڭ ءبيىن بيلەپ تۇرعان ءساتى.
عازيزا يساحان
