جاقىندا استانا اۋەجايىندا «استانا-قاراعاندى تاسجولىنان استانا اۋەجايىنا دەيىنگى ۋچاسكەدە وتىنقۇبىرىن جانە جانار-جاعارماي ماتەريالدارى وتىن قويماسىن سالۋ» جوباسىنىڭ تەحنيكالىق-ەكونوميكالىق نەگىزدەمەسىنىڭ قورشاعان ورتاعا اسەر ەتۋىن الدىن الا باعالاۋ» تاقىرىبىندا قوعامدىق تىڭداۋ ءوتتى.
قوعامدىق تىڭداۋدى «استانا حالىقارالىق اۋەجايى» اق تاپسىرىسى بويىنشا «كازگيپروتسۆەتمەت» ينستيتۋتى ازىرلەدى.
قوعامدىق تىڭداۋدى وتكىزۋ ماقساتى- قوعام تالعامىن انىقتاۋ جانە ولاردىڭ اسەر ەتۋدى باعالاۋ ۇدەرىسىن ەسەپكە الۋ ەدى. تىڭداۋدا پايدالانۋ كەزىندە اتموسفەراعا لاستايتىن زاتتاردىڭ شىعارىندىلارى تۋرالى, اتموسفەرالىق اۋاعا جانە توپىراق, سۋ باسسەيندەرىنە جاعىمسىز اسەرى تۋرالى ماسەلەلەر قارالدى. تىڭداۋدىڭ قورىتىندىسى بويىنشا حاتتاماعا سايكەس تالعامدار ەسكەرىلىپ, وزگەرىستەر تەن-گە ەنگىزىلدى.
پرومىشلەننىي كەنتىندەگى قولدانىستاعى جانار-جاعار ماي بازيستىك قويما بولاشاقتاعى ماگيستارلدى اۆتوجولدار جانە تەمىرجول ۆوكزالى قۇرىلىسى ايماعىندا ورنالاسقاندىقتان, تەن-دە قاراستىرىلاتىن وبەكتىلەردىڭ قۇرىلىسى اتالعان قويمانى بۇزۋ قاجەتتىلىگىنە بايلانىستى بولىپ وتىر.
قىرىق جىلدان استام قولدانىلىپ كەلە جاتقان رەلس جانىنداعى قويما جانە جيىرما جىلدان استام قولدانىلعان وتىنقۇبىرى جاڭارتىلاتىن بولادى, ول قورشاعان ورتاعا اسەر ەتۋ دەڭگەيىن تومەندەتۋگە جاعىمدى اسەرىن تيگىزەدى.
ەلوردالىق اۋەجاي ءتيىمدى ەكولوگيالىق باقىلاۋ جاساۋ ءۇشىن بارلىق جاعدايدى جاساپ وتىر. بارلىق قۇرىلىس جۇمىستارى ەكولوگيالىق نورمالار مەن ستاندارتتارعا سايكەس جۇرگىزىلەدى.
