وسىنى انىقتاۋ ماقساتىندا ءوتىپ جاتقان شارا اياسىندا قالا تۇرعىندارى وزدەرىنە قاجەت انىقتامالاردى ءىرى ويىن-ساۋىق ورتالىقتارىندا, بازارلاردا, ەمحانالاردا جانە ساۋدا ورىندارىندا, كەڭسەلەر مەن مەكەمەلەردە الا الادى.
ەندى حقو-نىڭ قىزمەتكەرلەرى ادامدار كوپ جينالاتىن جەرلەرگە بارىپ قىزمەت كورسەتەتىن بولادى. كەشە وسىنداي مۇمكىندىك «MegaSilkWay» ساۋدا-ويىن-ساۋىق ورتالىعىنىڭ كەلۋشىلەرى مەن قىزمەتكەرلەرىنە ۇسىنىلدى.
«پرەزيدەنت بيىلعى جولداۋىندا ءبىرىنشى كەزەكتە تسيفرلاندىرۋ مىندەتىن قويعان بولاتىن. حالىق ەلەكتروندىق ۇكىمەت ارقىلى قىزمەت الۋدىڭ ىڭعايلى ءارى ءتيىمدى ەكەنىن ءتۇسىنۋى قاجەت. «استانا – ادالدىق الاڭى» جوباسىن جۇزەگە اسىرۋ اياسىندا ءبىز 8 اقپاننان باستاپ وسىنداي ۇلكەن ءىستى قولعا الدىق. ياعني حقو-نىڭ قىزمەتكەرلەرى ءىرى ساۋدا ورىندارىنا, كەڭسەلەرگە بارىپ, سول جەردە ادامدارعا ءتۇرلى انىقتامالاردى الۋ جولىن, e.gov پورتالىن قولدانۋ جولدارىن ءتۇسىندىرىپ, كورسەتىپ, ۇيرەتەدى» دەيدى «استانا – ادالدىق الاڭى» جوباسىنىڭ جەتەكشىسى ج.جىلقىشيەۆا.
قازىرگى كەزدە وسى شارا اياسىندا ەلەكتروندىق-تسيفرلىق قولتاڭبا جانە ءتۇرلى قىزمەت تۇرلەرىن 5 مىڭنان استام قالا تۇرعىنى الدى. حقو قىزمەتكەرلەرى بولاشاقتا مەكتەپتەردى ارالاۋدى جوسپارلاۋدا. شارا ءبىرىنشى جارتىجىلدىقتىڭ سوڭىنا دەيىن جالعاسادى.
«اقشام-اقپارات»
