«استانا وپەرا» تەاترىندا دومبىراشى, ديريجەر ءارى ۇستاز, قازاقستاننىڭ حالىق ءارتىسى, «پاراسات» وردەنىنىڭ يەگەرى رىسباي عابديەۆتىڭ 85 جىلدىق مەرەيتويىنا وراي 12 قازان كۇنى «قوس ىشەكتىڭ قۋاتى» اتتى كونتسەرت وتەدى. سونداي-اق وسى ايدا ك.بايسەيىتوۆا اتىنداعى كامەرالىق زال ساحناسىندا ەرەسەكتەر مەن كىشكەنتايلارعا ارنالعان كونتسەرتتەر مەن سپەكتاكلدەردىڭ سان الۋان باعدارلاماسى ۇسىنىلادى.
بۇكىل قازاق ەلى قۇرمەت تۇتقان اتاقتى دومبىراشى رىسباي عابديەۆتىڭ ونەرىنە تۇركيا, فرانتسيا, رەسەي, كاتار ەلدەرى زور قوشەمەت ءبىلدىردى. ورىنداۋشىلىق ەڭبەك جولىن ديريجەرلىكتەن باستاعان ول كەيىن حالىق اسپاپتارى وركەسترىنىڭ كوركەمدىك جەتەكشىسى اتاندى. ۇستازدىق جولدا تالاي ساڭلاقتاردى باۋلىعان پروفەسسوردى ەسكە الۋ كونتسەرتىنە تانىمال قازاقستاندىق مۋزىكانتتار, ماەسترونىڭ ارىپتەستەرى, شاكىرتتەرى مەن ءىزباسارلارى قاتىسادى.
سونداي-اق 14 قازان ساعات 18.00-دە ەلوردا تۇرعىندارى مەن قوناقتارىنىڭ نازارىنا حح عاسىردىڭ ەڭ ءىرى كومپوزيتورلارىنىڭ ءبىرى دميتري شوستاكوۆيچتىڭ 115 جىلدىعىنا وراي «كامەرالىق مۋزىكا كەشى» ۇسىنىلادى. «FORTE TRIO» شاقىرادى» كونتسەرتى اياسىندا د.شوستاكوۆيچتىڭ فورتەپيانوعا ارنالعان №1 تريوسى, دو مينور, ور.8, فورتەپيانوعا ارنالعان №2 تريوسى, دو مينور, ور.67 ورىندالادى.
19 جانە 21 قازان كۇندەرى ساعات 19.00-دە «Piccolo» تەاترى» جوباسى اياسىندا گ.دونيتسەتتيدىڭ «دون پاسكۋالە» كومەديالىق وپەراسى ورىندالماق. ا.انەلليدىڭ «سەر مارك انتونيو» ليبرەتتوسىنىڭ جەلىسىمەن, ليبرەتتو اۆتورى – دج.رۋففيني. بۇگىنگى تاڭدا تاۋسىلماس وتكىرلىگىمەن, نازىك سىرشىلدىعىمەن ەرەكشەلەنەتىن «دون پ-اسكۋالە» دراما-بۋففاسى ەڭ تانىمال جيىرما يتاليالىق وپەرانىڭ قۇرامىنا ەنەدى جانە جىل سايىن الەمنىڭ 150- دەن استام تەاترىندا ساحنالانادى.
