اتىراۋ قالاسىندا وتكەن ر.وتارباەۆ اتىنداعى ءىىى رەسپۋبليكالىق تەاتر فەستيۆالىنەن ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترى ولجالى ورالدى.
قاللەكيلىكتەر فەستيۆالگە وسىدان ءۇش جىل بۇرىن «ەكسپو-2017» حالىقارالىق كورمەسى قارساڭىندا قازاقستاننىڭ ەڭبەك سىڭىرگەن قايراتكەرى ن.جۇمانيازوۆ ساحنالاعان ر.وتارباەۆتىڭ «امىرە» دراماسىمەن قاتىسىپ, ءبىرىنشى ورىنعا يە بولدى. ال وسى سپەكتاكلدە پيونەر بالا بەينەسىن سومداعان داستان ءالىموۆ «ەكىنشى پلانداعى ۇزدىك اكتەر» اتالىمىندا توپ جاردى.
27-30 قاراشا كۇندەرى وسى ونەر ورداسىندا اتالمىش تەاتردىڭ كوركەمدىك جەتەكشىسى, قازاقستاننىڭ حالىق ءارتىسى, پروفەسسور تالعات تەمەنوۆتىڭ شىعارماشىلىق اپتالىعى وتەتىنىن ايتا كەتەيىك. ءتورت كۇنگە جالعاساتىن اپتالىق بارىسىندا كورەرمەندەر ش.ايتماتوۆتىڭ «اققۋدىڭ كوز جاسى», «قىزىل ورامالدى شىنارىم» ليريكالىق درامالارىن, ۋ.شەكسپيردىڭ «وتەللو» تراگەدياسىن جانە ۆ.ەجوۆتىڭ «تىراۋلاپ ۇشقان تىرنالار سپەكتاكلىن تاماشالاي الادى.
ال بۇگىن تەاتردا كەزەكتى پرەمەرا وتەدى. قاللەكيلىكتەر بۇل جولى ف.بولونيانىڭ قازاقستاننىڭ ەڭبەك سىڭىرگەن قايراتكەرى ءا.ورازبەكوۆ قازاق تىلىنە اۋدارىپ, ساحنالاعان «بايلانىس اياسى» دراماسىن ۇسىنادى.
ۇقساس جاڭالىقتار
Leave a Reply