قۇندىلىقتاردى دارىپتەدى
![](https://astana-akshamy.kz/wp-content/uploads/2022/11/whatsapp-image-2022-10-30-at-23.04.29-780x470.jpeg)
بيىلعى پرەزيدەنتتىككە ۇمىتكەر قاراقات ابدەن اباي وبلىسى جۇرتشىلىعىمەن كەزدەستى. ەلىمىزدىڭ تاريحي ورتالىعىنا قادام باسقان ۇمىتكەر الدىمەن اباي ەسكەرتكىشىنە گۇل شوقتارىن قويىپ, ۇلى اقىننىڭ رۋحىنا تاعزىم ەتتى.
كەيىن قاراپايىم حالىتىڭ جاعدايىمەن جاقىنىراق تانىسۋ ءۇشىن قاراقات ابدەن قوعامدىق كولىكپەن قالانى ارالادى.
– زەينەتكەرلەرمەن اڭگىمەلەسىپ, ايەلدەردىڭ زەينەتكە شىعۋ جاسىن قىسقارتۋ, قاريالارعا ارنالعان جەڭىلدىكتەردى كوبەيتۋگە قاتىستى ولاردىڭ ۇسىنىستارىن تالقىلادىق, – دەپ اتاپ ءوتتى ق.ابدەن.
پاۆلودار قالاسىنىڭ دارىندى بالالارعا ارنالعان مۋزىكالىق كوللەدجىندە وتكەن سايلاۋالدى جيىندا ق.ابدەن ۇستازدارمەن جۇزدەسىپ, ءبىلىم بەرۋ سالاسىنداعى سۇراقتاردى تالقىلادى. ونىڭ ايتۋىنشا, سايلاۋالدى باعدارلامادا ءبىلىم بەرۋ سالاسىن جەتىلدىرۋگە كوپ كوڭىل بولىنگەن. اسىرەسە جوعارى ءبىلىمنىڭ تەگىن بولۋى, ستۋدەنتتەردى جاتاقحانامەن, يننوۆاتسيالىق قۇرال-جابدىقتارمەن قامتاماسىز ەتۋ ماسەلەسى وزەكتى.
قاراقات ابدەننىڭ سايلاۋالدى ساپارى الماتى وبلىسىنىڭ تالعار قالاسىندا جالعاسىن تاپتى. قالا تۇرعىندارى مەن وڭىردەگى شاعىن جانە ورتا بيزنەستى دامىتىپ جۇرگەن كاسىپكەرلەر قاراقات ابدەننىڭ سايلاۋالدى باعدارلاماسىمەن تانىستى. جيىن بارىسىندا ۇمىتكەر شاعىن جانە ورتا كاسىپكەرلىكتىڭ ماڭىزىن اتاپ ءوتىپ, ەل ەكونوميكاسىنىڭ دامۋىنا زور ۇلەس قوساتىنىن جەتكىزدى. سونداي-اق بيزنەس پەن وتباسىلىق قۇندىلىقتاردى ۇشتاستىرۋ, ۇلتتىق قۇندىلىقتاردى دارىپتەۋ, حالىقتىڭ الەۋمەتتىك جاعدايىن جاقسارتۋ ماسەلەلەرى تالقىلاندى.