قىزدار كونكۋردان جارىستى
ەلورداداعى «ارعىماق» اتپەن ساۋىقتىرۋ سپورت كەشەنىندە استانا, قاراعاندى, الماتى قالاسى مەن الماتى وبلىسىنان كەلگەن 70-كە جۋىق شاباندوز كونكۋردان سايىستى.
استانا قالاسى ۇلتتىق جانە وليمپيادالىق ات سپورتى تۇرلەرى فەدەراتسياسىنىڭ پرەزيدەنتى ەرلان كاناليموۆ:
– كونكۋر – ارعىماقتىڭ سايىسى. بۇل سپورت ءتۇرى ەلوردادا قانات جايىپ, قارقىندى دامىپ كەلەدى. استانادا تۋرنير ەكىنشى رەت ۇيىمداستىرىلىپ وتىر, – دەدى.
ەلىمىزدىڭ تۇكپىر-تۇكپىرىنەن كەلگەن قىزدار سايىستىڭ 6 باعدارى بويىنشا سىنعا ءتۇستى.
– «جاستار» ساناتى بويىنشا كەدەرگىنىڭ بيىكتىگى 100 سانتيمەتر بولدى. قارسىلاستارىما قاراعاندا ساتتىلىك جولداس بولىپ, دارالاندىم. قۋانىشتىمىن, – دەيدى تۋرنير جەڭىمپازى ماليكا سەرىك.
استانا قالاسى اكىمدىگىنىڭ قولداۋىمەن, استانا قالاسى ۇلتتىق جانە وليمپيادالىق ات سپورتى تۇرلەرى فەدەراتسياسىنىڭ ۇيىمداستىرۋىمەن ءتۋرنيردىڭ جۇلدە قورى 6 ميلليون تەڭگەنى قۇرادى.