پرەزيدەنت اكىمشىلىگى جانە قالالىق ءماسليحات دەپۋتاتتارىنىڭ كەلىسىمى بويىنشا بايكەن ەسەت بەرىكۇلى سارىارقا اۋدانىنىڭ اكىمى بولىپ تاعايىندالدى.
ەسەت بايكەن ەڭبەك جولىن 2008 جىلى ەلوردادا ەكونوميكا جانە بيۋدجەتتى جوسپارلاۋ باسقارماسىندا جەتەكشى مامان رەتىندە باستاعان. ءار جىلدارى استانا اكىمىنىڭ الەۋمەتتىك-مادەني سالا ءبولىمىنىڭ باس مامانى, ەلوردا اكىمىنىڭ باس ينسپەكتورى, نۇر-سۇلتان قالاسى اكىمىنىڭ ۇيىمداستىرۋ-ينسپەكتورلىق ءبولىمىنىڭ باسشىسى قىزمەتتەرىن اتقاردى.
سوڭعى جىلدارى ول قر پرەزيدەنتى اكىمشىلىگى باسشىسىنىڭ حاتشىلىعىندا ساراپشى, قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋشىلىق-اۋماقتىق جۇمىس ءبولىمىنىڭ مەملەكەتتىك ينسپەكتورى, قاراعاندى وبلىسى نۇرا اۋدانىنىڭ اكىمى قىزمەتتەرىن اتقاردى.
مەملەكەتتىك قىزمەتتەگى جۇمىس ءوتىلى 11 جىلدان اسادى. 34 جاستاعى ەسەت بايكەن اكىمدىك ءبولىمىنىڭ مامانىنان قالالىق اكىمشىلىكتىڭ اكىم اپپاراتىنىڭ جەتەكشىسىنە دەيىنگى قىزمەت جولىنان ءوتتى.
