سارىارقا اۋدانىندا قامىس پەن ءارامشوپ شابۋ جۇمىستارى باستالدى

«قىستا قولايسىز, جازدا – قاۋىپتى»: سارىارقا اۋدانىندا قامىس پەن ءارامشوپ شابۋ جۇمىستارى باستالدى, دەپ حابارلايدى astana-akshamy.kz

8 ساۋىردەن باستاپ كوممۋنالدىق قىزمەتكەرلەر قامىس پەن ارام ءشوپتى شابۋعا كىرىستى. كۇندەلىكتى رەجيمدە قۇرعاق وسىمدىكتەر اۋلا اۋماقتارىندا جانە بوس جەرلەردەن جويىلۋدا. ءبىلىم بەرۋ مەكەمەلەرى مەن باسقا دا الەۋمەتتىك نىساندار ماڭىنداعى ۋچاسكەلەرگە ەرەكشە كوڭىل بولىنەدى.

«قاتتى ىستىقتا بۇل وسىمدىكتەر تەز تۇتانادى, ال وت تەز تارايدى. وسى جاعدايلاردىڭ الدىن-الۋ ءۇشىن ءبىز كامىستى جويۋ جۇمىستارىن باستادىق. قازىرگى ۋاقىتتا 5,4 گەكتاردان استام جەر ورىلدى», – دەپ اتاپ ءوتتى سارىارقا اۋدانى اكىمى اپپاراتىنىڭ باس مامانى اتاجان نۇربەك.

بۇل جۇمىستار قىسقى ماۋسىمعا دەيىن جالعاسادى.

سونداي-اق, كوممۋنالدىق قىزمەت ماماندارى سۋبۇرقاقتاردى قىس ايلارىندا سۋىقتان قورعاعان كونسترۋكتسيالاردى بولشەكتەۋ جۇمىستارىن باستادى. قورعانىس جابىندارىن الىپ تاستاعاننان كەيىن مەحانيزمدەر كىر مەن توتتان تازالانادى. بۇدان ءارى سۋبۇرقاقتاردى تەكسەرىلىپ, جوندەۋ-قالپىنا كەلتىرۋ جۇمىستارى جۇرگىزىلەدى.

اۋداندىق اپپاراتتىڭ بالانسىندا 12 سۋبۇرقاق بار:
1. «جاستار تەاترى» سۋبۇرقاعى;
2. «اينالمالى شار» سۋبۇرقاعى;
3. اتىراۋ سۋبۇرقاعى;
4. «ءاليا مولداعۇلوۆانىڭ ەسكەرتكىشى» سۋبۇرقاعى;
5. «اقجايىق» ساياباعىنداعى سۋبۇرقاق.
6. اباي داڭع. – جەلتوقسان كوشەسى قيىلىسىنداعى سۋبۇرقاق;
7. ماسكەۋ كوشەسىندەگى ساياباقتاعى سۋبۇرقاق;
8. «سيرەن» سۋبۇرقاعى
9. سۋبۇرقاقتار كاسكادى.
10. قالالىق الاڭداعى سۋبۇرقاق (قالالىق اكىمدىك عيماراتىنىڭ الدىندا)
11. «قازاق دراما تەاترى» سۋبۇرقاعى
12. «ءومىر اعاشى» سۋبۇرقاعى

سۋبۇرقاقتار 1 مامىردان باستاپ جۇمىس ىستەي باستايدى.

قازىرگى ۋاقىتتا, سونداي-اق, اعاش وتىرعىزۋ الدىنداعى دايىندىق جۇمىستارى بەلسەندى جۇرۋدە.

2024 جىلى 10 700 جاسىل جەلەك, سونىڭ ىشىندە كوپجىلدىق گۇلدەر, جاپىراقتى جانە قىلقان جاپىراقتى اعاشتار وتىرعىزۋ جوسپارلانعان.

«قازىرگى ۋاقىتتا اعاش وتىرعىزۋ الدىنداعى دايىندىق جۇمىستارىن قارقىندى جۇرگىزۋدەمىز. ءساتتى وتىرعىزۋدىڭ نەگىزگى اسپەكتىلەرىنىڭ ءبىرى – توپىراقتىڭ جاي-كۇيى. وسىمدىكتەردىڭ دامۋى توپىراقتىڭ ساپاسىنا بايلانىستى ەكەنىن تۇسىنە وتىرىپ, ونى ارامشوپتەردەن تازارتۋدى, مينەرالدىق جانە ورگانيكالىق تىڭايتقىشتاردى جىرتۋدى جانە ەنگىزۋدى جۇزەگە اسىرۋدامىز. ودان بولەك, وتىرعىزۋعا ارنالعان شۇڭقىرلاردى دايىنداۋعا ەرەكشە كوڭىل بولەمىز. ءاربىر شۇڭقىردىڭ جاس اعاشتاردىڭ ءوسۋى مەن دامۋى ءۇشىن بەلگىلى ءبىر پارامەترلەرى بار. وعان ديامەترى 60-80 سم جانە تەرەڭدىگى ءبىر مەتردەن ءسال از شۇڭقىرلار دايىندالادى. بۇگىن ارىپتەستەرىمىزبەن دايىندىق جۇمىستارىنىڭ ورىندالۋىن تەكسەردىك جانە جاسىل جەلەكتەردى وتىرعىزۋ كەزەڭىنىڭ باستالۋىنا دايىن ەكەنىمىزگە سەنىمدىمىز. اعاش وتىرعىزۋ وسى اپتادا باستاۋ جوسپارلانعان», – دەيدى اۋدان اكىمى باۋىرجان ەرالى.