– بارلىق دەپۋتاتتار سايلاۋالدى جاساعان باعدارلاماسىندا بەرگەن ۋادەسىن ورىنداۋعا تىرىسادى. باعدارلاما قۇرار كەزدە ءبىز قالادا قانداي ماسەلەلەر بار, نەندەي الەۋمەتتىك ماسەلەلەر شەشىمىن تاپپاعان, سولاردى ءجىتى زەرتتەي وتىرىپ تۇزدىك. ارينە, دەپۋتاتتاردىڭ بارلىعى بەرگەن ۋادەسىن تولىعىمەن ورىنداپ تاستاي المايتىن شىعار. دەسە دە ءبىز سايلاۋشىلار الدىندا بەرگەن ۋادەمىزدى ورىنداۋعا بارىنشا اتسالىسامىز. اسىرەسە, ءوزىم تۇراقتى مۇشەسى بولاتىن الەۋمەتتىك-مادەني دامۋ ماسەلەلەرىنە كەلسەك, قالانى كوگالداندىرۋ, بالاباقشالار, كولىك قوياتىن ورىندار سالۋ, قوعامدىق كولىك ماسەلەلەرىن شەشۋ, اۋلالاردى اباتتاندىرۋ, تۇرمىستىق جانە الەۋمەتتىك سالاعا قاتىستى بارلىق ماسەلەنىڭ رەت-رەتىمەن شەشىمىن تاپقانىن كوزدەيمىز. مەن ءوزىم تۇراتىن اۋداننىڭ №22 وكرۋگىنەن سايلاندىم. وسى قالادا تۇرىپ جاتىرمىن ءارى حالىققا نە قاجەتتىگىن ءوز اراسىنان شىققاندىقتان بىلەمىن. سايلاۋشىلارىممەن ءاردايىم تىعىز قارىم-قاتىناستامىن. ماسەلەن, پيك-پەن ۇنەمى بايلانىسىپ قانداي ماسەلەلەر تۋىنداپ جاتىر, سوعان تالداۋ جۇرگىزەمىز.
مەن وسى قالادا ءومىر ءسۇرىپ جاتىرمىن. بۇل مەنىڭ تۋعان قالام. پروبلەما بارلىق قالادا بار. سوندىقتان مەنى ءوز قالامنىڭ ماسەلەسى بەيجاي قالدىرمايدى. ەلىمە پايدامدى تيگىزگىم كەلەدى. قالانىڭ تۇرعىنى رەتىندە تۋعان قالاما ەڭبەك سىڭىرسەم دەيمىن.
بۇگىندە استانادا بالا سانى كوپ بولعاندىقتان بالاباقشالار جەتپەي جاتىر. قالادا كولىك قوياتىن ورىندار دا تاپشى. ياعني, دەپۋتاتتار كورپۋسىنىڭ الدىندا استانانىڭ احۋالىن كوتەرۋ سياقتى مىندەت تۇر. وسى التىنشى شاقىرىلىمنىڭ قۇرامىندا جۇمىس ىستەپ جاتقانىما قۋانىشتىمىن. ارىپتەستەرىمنىڭ ءبارى دە ساۋاتتى ءارى وتە مادەنيەتتى جاندار. وسىنداي قۇراممەن قالالىق بيلىك ارقىلى تالاي ماسەلەنى بىرىگىپ شەشەمىز دەپ ويلايمىن. ءوزىڭىز بىلەسىز, بيىل 4 شىلدە كۇنى استانا حالقىنىڭ سانى ميلليونعا جەتتى. قازىر ەلوردادا ميلليون تۇرعىن ءومىر سۇرۋدە. بۇل كورسەتكىش كۇن سايىن ءوسىپ جاتقاندىقتان, شەشەتىن ماسەلەلەر كوبەيە بەرمەك. سوندىقتان دەپۋتاتتار كورپۋسى استانا قالاسىنىڭ ءبىرىنشى كەزەكتەگى وزەكتى دەگەن ماسەلەلەرىن كەيىنگە قالدىرماۋعا تىرىسادى.
ءاربىر دەپۋتاتتىڭ ءوز وكرۋگىندە سايلاۋشىلارمەن كەزدەسۋ وتكىزەتىنىن بىلەسىز. ونىڭ ۇستىنە, ءماسليحاتتا ءماسليحات دەپۋتاتتارىنىڭ ازاماتتاردى قابىلداۋ كەستەسى كورسەتىلگەن. مەن كوبىنە جۇمىس ورنىمدا دا سايلاۋشىلارىمدى قابىلداي بەرەمىن. ولاردىڭ ايتىپ كەلگەن تالاپ-ارىزدارىن, شاعىمدارىن تىڭدايمىن. سوعان وراي, بۇل ماسەلەلەردى شەشۋ بويىنشا جۇمىستار جۇرگىزىلەدى. تۇرعىندار كوبىنە زاڭسىز قۇرىلىستار, جايسىز اۋلالار, كولىك قوياتىن ورىنداردىڭ جەتىسپەۋشىلىگى جانە ت.ب. ماسەلەلەر بويىنشا شاعىمدانىپ كەلەدى. مىسالعا, قازىر الدىمدا تۇرعىن ءۇي كەشەنىن پايدالانۋعا بەرۋ كەزىندە زاڭ بۇزۋشىلىقتار انىقتالعانى جايلى ارىز جاتىر. سوعان بايلانىستى قۇزىرلى ورگاندارعا ساۋال حات جولدادىم. دەپۋتاتتاردىڭ دا قۇزىرى شەكسىز ەمەس, بىراق قولىمىزدا قانداي مۇمكىندىكتەر بار, سوعان قاراي ارەكەت جاسايمىز.
جۋىردا الماتى اۋدانىنىڭ اكىمىنە اۋلادا بالالار الاڭىن سالۋ تۋرالى ۇسىنىسپەن شىقتىق. اكىم بۇل ماسەلەنى قولداپ, ەسكى ويىن الاڭدارىن جاڭاسىنا اۋىستىرۋ ءۇشىن قارجى ءبولدىردى. استانادا سابيلەر سانى وسۋدە, كوپتەگەن جۇمىس ورىندارى اشىلىپ, جۇمىسسىزداردىڭ سانى قىسقارىپ كەلەدى. ەلوردا بىردەن-ءبىر جۇمىسسىزدارى از قالا دەپ ماقتانۋعا بولادى. استانانىڭ الەۋمەتتىك-مادەني احۋالىن شەشۋ ءۇشىن دەپۋتاتتار جينالىس كەزىندە اقىلداسىپ, ماسەلەلەردى شەشۋ جولدارىن قابىلدايدى. ارينە, قانشا ادام بولسا, سونشا پىكىر بار. دەگەنمەن, ءبىز ءبىرتۇتاس بولۋىمىز قاجەت. ويتكەنى, قالانىڭ بيۋدجەتىن ءبىز بەكىتكەندىكتەن حالىقتىڭ اقشاسىن وڭدى-سولدى شاشىپ وتىرۋعا جول بەرە المايمىز.
جانسايا سىدىقباي
