«ەلوردا اكىمدىگىندە قازاقستان مەن بەلارۋس اراسىنداعى ەكى جاقتى قۇرىلىس جانە ينفراقۇرىلىم سالالارىن دامىتۋ ماسەلەلەرى تالقىلاندى» دەپ حابارلايدى قالا اكىمىنىڭ ءباسپاسوز قىزمەتى.
استانا قالاسى اكىمىنىڭ ءبىرىنشى ورىنباسارى سەرگەي حوروشۋن برەست وبلىسى اتقارۋشى كوميتەتىنىڭ توراعاسى ۆيكتور ساكوۆسكيمەن كەزدەسىپ, بىرقاتار ماڭىزدى سۇراقتار بويىنشا كەلىسسوزدەر جۇرگىزدى.
س. حوروشۋن ەۋرازيالىق ەكونوميكالىق وداقتىڭ جاڭا مۇمكىندىكتەرىن ەسكەرە وتىرىپ, اتالمىش كەزدەسۋدىڭ ماڭىزدى ەكەنىن اتاپ ءوتتى.
– استانا قالاسى اكىمدىگى قازاقستان مەن بەلارۋستىڭ ورتاق جوبالارىنا اسىرەسە, قالا اۋماعىندا بىرلەسكەن ءوندىرىس ورىندارىن اشۋعا ەرەكشە كوڭىل بولەدى. قازىرگى كەزدە بىزدە «ماز» اۆتوكولىگىنىڭ تۇرلەرىن قۇراستىرىپ شىعاراتىن زاۋىت قۇرىلىسى ءجۇرىپ جاتىر, – دەيدى ول.
كەزدەسۋ سوڭىندا تاراپتار ەكى ەلدىڭ اراسىنداعى سەرىكتەستىكتى ودان ءارى ارتتىرۋعا دايىن ەكەندىكتەرىن مالىمدەدى.
