ەلىمىزدە الەۋمەتتىك سالا قىزمەتكەرلەرىنە بارىنشا قولداۋ كورسەتىلىپ وتىر. وسىعان وراي «تۇرعىنۇيقۇرىلىسجيناق بانكىنىڭ» قۇنى 1 ملن تەڭگە بولاتىن 1000 سەرتيفيكاتىن تاپسىرۋ باستاماسى قولعا الىنعان بولاتىن. سونىڭ العاشقى 100 سەرتيفيكاتى كەشە قالا اكىمى التاي كولگىنوۆتىڭ قاتىسۋىمەن تابىس ەتىلدى.
– بۇگىندە قالامىزدا 17 مىڭ مۇعالىم, 55 مىڭ تاربيەشى, 20 مىڭ مەديتسينالىق قىزمەتكەرلەر بار. سونداي-اق, ميلليوننان اسا تۇرعىنى بار شاھاردا قۇقىق قورعاۋ ورگاندارى قىزمەتكەرلەرى قوعامدىق ءتارتىپتى ساقتاپ وتىر. قالانىڭ تازالىعىمەن اينالىساتىن كوممۋنالدىق شارۋاشىلىق ەڭبەككەرلەرى بار. ولاردىڭ جۇمىسىن باعالاۋىمىز قاجەت. سوندىقتان, مەملەكەت تاراپىنان اتالعان سالا ماماندارىنا قولداۋ-قامقورلىق كورسەتۋىمىز ابزال, – دەدى نۇر-سۇلتان قالاسىنىڭ اكىمى التاي كولگىنوۆ.
العاشقى 100 تۇرعىن ءۇي سەرتيفيكاتى وسى الەۋمەتتىك توپ مۇشەلەرىنە تابىس ەتىلدى. تامىز ايىنان باستاپ مۇنداي سەرتيفيكاتتار كوپبالالى انالارعا دا بەرىلە باستايدى.
