شوۋ دا, جەڭىلدىك تە بولادى
استانا قالاسى اكىمى اپپاراتىنىڭ ءباسپاسوز قىزمەتىنىڭ حابارلاۋىنشا, كونستيتۋتسيا كۇنى قالاداعى ساۋدا ورتالىقتارىندا شوۋ-كونتسەرتتەر ءوتىپ, تاۋارلارعا جەڭىلدىكتەر جاسالادى.
اتاپ ايتقاندا, مەرەكە كۇنى «حانشاتىردا» «حانتالاپاي» ۇلتتىق ويىنى ويناتىلىپ, سىيلىقتار تابىستالادى. 31 تامىزدا «كوك ءتۇركىلەر» ۇلتتىق وركەسترى قوناقتاردىڭ دەلەبەسىن قوزدىرىپ, قۇلاق قۇرىشىن قاندىرماق.
30 تامىز كۇنى «MEGA Astana» سوو-دا باعالى سىيلىقتار تىگىلگەن ۆيكتورينالار مەن بىرنەشە ويىندار ۇيىمداستىرىلىپ, كونتسەرت قويىلادى. بالالارعا اكۆاگريم جاساتۋ جانە ەستەلىككە فوتوسۋرەتكە ءتۇسۋ تەگىن بولادى.
«سارىارقا» ورتالىعىندا 7-8 جاستاعى 7 كونكۋرسانتتىڭ قاتىسۋىمەن شوۋ وتەدى. شاراعا قاتىسۋشىلار وزدەرىن تانىستىرىپ, ءتول تۋىندىلارىن كورسەتىپ, ونەرلەرىن ورتاعا سالادى. سونىمەن قاتار, كەلۋشىلەرگە ورتالىقتا تاۋارلاردى جەڭىلدىكپەن ساتىپ الۋعا مۇمكىندىك تۋادى.
مەرەكە اياسىندا «كەرۋەن» سوو «مەكتەپكە جول» اكتسياسى اياسىندا از قامتىلعان وتباسىلاردان شىققان بالالارعا كومەك كورسەتىلمەك. بۇل كۇندەرى ورتالىققا كەلۋشىلەرگە جاڭا توپتامالار ۇسىنىلاتىن بولادى.
«ازيا پارك» سوو-دا ءانشى ادام جانە باسقا دا ونەر جۇلدىزدارى مەن بي ۇجىمدارىنىڭ كونتسەرتتىك باعدارلاماسى وتەدى. 31 تامىز كۇنى «Azia Park Live Muzic» ساز كەشى وتسە, 1 قىركۇيەكتە كونتسەرتتىك باعدارلاما قويىلىپ, باعالى سىيلىقتار ويناتىلادى. سونىمەن قاتار, كەلۋشىلەر كانىگى اسپازدىق شەبەرلىك سىنىبىنا قاتىسىپ, ويىن زالىندا ساۋىق قۇرۋلارىنا بولادى.
«ارسەنال» كينوتەاترىندا 30, 31 تامىز, 1 قىركۇيەك كۇندەرى «مەنىڭ قازاقستانىم» اتتى بالالاردىڭ سۋرەت بايقاۋى ءوتىپ, كينوتەاتردا مەرەكەلىك فيلمدەر كورسەتىلەدى.
«ارۋجان» – استانا قالاسىنىڭ انشىلەرى مەن بيشىلەرىنىڭ كونتسەرتتىك باعدارلاماسىن ۇسىنادى.