ەلوردالىق پوليتسەيلەر كولىكتىڭ جاڭا تۇرىنە يە بولدى. بۇدان بىلاي سكۋتەر دەپ اتالاتىن جەڭىل قوزعالىستى زاماناۋي كولىك مىنگەن جول-پاترۋلدىك پوليتسيا قىزمەتكەرلەرىن استانالىق ساياباقتان كورۋگە بولادى.
قالتارىسى كوپ ورىنداردى جەڭىل اۆتوكولىكپەن قاداعالاۋ قيىن. استانا قالاسىنىڭ ىشكى ىستەر دەپارتامەنتى سكۆەر, ساياباق سەكىلدى ورىنداردا ءتارتىپتى باقىلاۋ ءۇشىن ءارى قىلمىستىڭ الدىن الۋ ماقساتىندا زاماناۋي ەلەكتروموبيل مەن سكۋتەر كولىگىن قولدانىسقا ەنگىزدى.
«مۇنداي سكۋتەرلەردىڭ قىزمەت ەتۋ تيىمدىلىگى جوعارى. باقىلاۋ بار جەردە ءتارتىپ ساقتالادى. ازىرگە استانالىق ساياباقتا ەكى داناسى بار. الداعى ۋاقىتتا «ەكسپو-2017» حالىقارالىق كورمەسى وتەتىن اۋماققا وسىنداي سكۋتەرلەر مەن ەلەكتروموبيل كولىكتەرى الىنادى. مۇنىڭ كومەگىمەن تەك ساياباقتىڭ ءىشىن عانا ەمەس, قوعامدىق ورىنداردى دا قاداعالاۋعا بولادى» دەيدى استانا قالاسى ءىىد جەرگىلىكتى پوليتسيا قىزمەتىنىڭ جول-پاترۋلدىك پوليتسيا پولكىنىڭ شتاب باستىعى قۋانىش ەركىنوۆ.
گۇلميرا شارحانقىزى
