بيىلدان باستاپ ەلوردادا ءبىلىم بەرۋ, كولىك, سالىق بەرەشەگىن تەكسەرۋ سالالارىنا تسيفرلى تەحنولوگيالار بەلسەندى ەنگىزىلەتىن بولادى.
«استانا Innovations» اق حابارلاعانداي, قازىرگى ۋاقىتتا ەلوردادا تولەم سەرۆيستەرىن كەڭەيتۋگە ۇلكەن ءمان بەرىلىپ وتىر. وسى جىلى Smart Astana ءموبيلدى قوسىمشاسى ءتۇرلى الەۋمەتتىك سالادا قالا تۇرعىندارىن كەرەك اقپاراتپەن قامتاماسىز ەتەتىن بولادى. ناقتىراق ايتار بولساق, 22 اقپاننان باستاپ قوسىمشادا سالىق بەرەشەگىن تەكسەرۋ مۇمكىندىگى پايدا بولادى. ال ءساۋىر ايىنا دەيىن سالىق, ايىپپۇل, سونداي-اق ءۇيىرمەلەر مەن سەكتسيالار اقشاسىن تولەۋ قىزمەتتەرى قولجەتىمدى بولادى. بۇعان قوسا, 15 ناۋرىزعا دەيىن حقو-دا الدىن الا كەزەك الۋ مۇمكىندىگى ەنگىزىلەدى.
قالانىڭ ءبىلىم بەرۋ سالاسىنا دا تسيفرلى تەحنولوگيالار بەلسەندى ەنگىزىلەدى. ناتيجەسىندە جۇمىس ىستەپ تۇرعان جانە اشىلىپ جاتقان قوسىمشا ءبىلىم بەرۋ ورتالىقتارى تۋرالى اقپارات حابارلانىپ وتىرادى. ال 15 ناۋرىزدا بارلىق مەملەكەتتىك كوللەدجدىڭ جاتاقحاناسىنان ورىن سۇراۋ ءوتىنىشى ونلاين تۇردە جۇزەگە اسىرىلادى. سونىمەن قاتار, ساۋىردە Smart Astana قوسىمشاسىندا بالاباقشاعا كەزەككە تۇرۋ, مەكتەپكە بارۋعا جازىلۋ قىزمەتى ىسكە قوسىلادى.
«اقىلدى» تەحنولوگيالار قوعامدىق كولىك سالاسىنان دا شەت قالمادى. اتالعان قوسىمشادا قازىردىڭ وزىندە «اۆتوبۋس ايالداماسىنىڭ تابلوسى» قويىلدى, ول اۆتوبۋستىڭ قانشا ۋاقىتتا كەلەتىنىن كورسەتەدى. بۇل قىزمەت QR-كودتى سكانەرلەۋمەن جۇزەگە اسادى.
