ءبىز – بارلىعىمىز, ۇرپاعىمىزدىڭ بەيبىت, تاۋەلسىز, ەكولوگيالىق تازا اۋا, تابيعي اس-سۋمەن قامتاماسىز ەتىلگەن, ادامي قۇندىلىقتار شەڭبەرىندە قابىلدانعان دەموكراتيالىق قوعامدىق قارىم-قاتىناستاردا زاڭ ۇستەمدىگى ورنىققان, زايىرلى, ادىلەتتى مەملەكەتتە ءومىر سۇرگەنىن قالايمىز. سول ءۇشىن دايەكتى زاڭ قابىلداپ, ونى مۇلتىكسىز ورىندايتىن مەملەكەت قۇرۋ كەرەكپىز. ەلىمىزدىڭ ازاماتتىعىن العان ءاربىر ادام ساياسي-الەۋمەتتىك احۋالىمىزدى كوتەرۋ ءۇشىن قارا قازاندا قايناپ جاتقان قوعامدىق قارىم-قاتىناسقا ءبىر كىسىدەي اتسالىسپاق كەرەك. مەملەكەتتىك باسقارۋ ىسىنە جۇيەلى تۇردە ارالاسپاي, ادام ءومىرى مەن الەۋمەتتىك جاعدايىمىزدىڭ جاقسارۋىن توسۋ تەك قيال جۇزىندە قالاتىنىن زاماننىڭ ءوزى كورسەتىپ وتىر.
قارالى قاڭتاردان كەيىنگى جاڭا قازاقستان قۇرۋ يدەياسى تاۋەلسىزدىگىمىزدى ساقتاي وتىرىپ, دەموكراتيالىق جولمەن ەلىمىزدى دامىتۋدا قاپاستاعى ساڭىلاۋدان تۇسكەن ساۋلەدەي كورىنگەندىكتەن, حالقىمنىڭ نازارىنا ءوزىمنىڭ سايلاۋالدى باعدارلامامدى تانىسۋعا ۇسىنامىن.
قورشاعان ورتانى قورعاۋ, ەكولوگيالىق احۋالدى جاقسارتۋ, تازا اۋا, تازا سۋ, تابيعي اسپەن قورەكتەنۋ قولعا الىنۋ كەرەك. تابيعي اپاتتاردىڭ الدىن الۋ, جەرىمىزدە تامىرلانعان ورمان, اعاش, وسىمدىك اتاۋلىنى جانە ونى مەكەن ەتكەن حايۋاناتتاردى, قۇستار مەن بالىقتاردى تابيعي تەپە-تەڭدىكتى ساقتاي وتىرىپ قورعاپ, جاستاردىڭ وتانسۇيگىشتىك, پاتريوتتىق سەزىمىن وياتۋ قاجەت.
جەراستى قازبا بايلىقتارى, گاز, سۋ قويمالارى ەلىمىزگە ورتاق مۇرا بولعاندىقتان, «ۇستاعاننىڭ قولىندا, تىستەگەننىڭ اۋزىندا» كەتپەۋىن قاداعالاۋ ارقىلى ادامداردىڭ ورتاق قازىناعا ۇنەمشىل ۇستانىمىن قالىپتاستىرۋ كەرەك. ۇلتتىق قوردان سەبەپتى-سەبەپسىز جۇمسالىپ جاتقان قاراجاتىن تۇگەلدەي پارلامەنتتىك قاداعالاۋعا الىپ, جۇمسالعان قاراجاتتىڭ 2008 جىلعى كريزيستان باستاپ جوعارعى اۋديت پالاتاسىمەن بىرلەسە وتىرىپ, ءتيىمدى-ءتيىمسىز جۇمسالعانىن زەردەلەپ شىعۋ كەرەك.
قۇقىق قورعاۋ جانە قارجى سالاسىنداعى ومىرلىك تاجىريبەمدى ءتيىمدى قولدانا وتىرىپ, ۇلتتىق قوردان پايدالانىلعان نەمەسە نەسيەگە بەرىلگەن قاراجاتتارىن «سۋدىڭ دا سۇراۋى بار» دەگەندەي, جوعارعى اۋديت پالاتاسىنا ەگجەي-تەگجەيلى تەكسەرتۋگە اتسالىسامىن.
ەڭبەك ءوتىلى ۇزدىكسىز 25 جىلدان اسقان مۇعالىمدەردى زەينەتكەرلىككە شىعارۋ, مەكتەپتەردە سىنىپ جەتەكشىلىك قىزمەتتى جەكە شتات رەتىندە بولەك شىعارۋ, ماگيسترلىك دارەجەسى ءۇشىن تەك مەكتەپتەردە عانا ەمەس, سونىمەن قاتار ورتا ارناۋلى وقۋ ورىندارى مەن كوللەدجدەردىڭ مۇعالىمدەرىنە دە ۇستەماقى تولەۋ, ۇستازدارعا الەۋمەتتىك جەڭىلدىكتەر بەرۋ (كوممۋنالدىق تولەمدەر, جولدا ءجۇرۋ, مەديتسينالىق تەكسەرىلۋ), 5 كۇندىك جۇمىس اپتاسىن تۇراقتى نەگىزدە قالدىرۋ جانە بەكىتۋ, مەملەكەتتىك بيۋدجەت ەسەبىنەن ۇستازدارعا جىلىنا ءبىر رەت ساناتوريلەر مەن كۋرورتتاردا دەمالۋ جانە دەنساۋلىعىن تۇزەۋگە ارنالعان جولدامالارمەن قامتاماسىز ەتۋ, جاس مامانداردى تۇرعىن ۇيمەن قامتاماسىز ەتۋ ءۇشىن تولىققاندى زاڭ جوباسىن بەكىتۋگە تىرىسامىن.
تاپسىرىس بەرۋشى: قر پارلامەنتىنىڭ ءماجىلىسى دەپۋتاتىنا كانديدات ەرنۇر مۇسابايۇلى ازىمباەۆ
رەسپۋبليكالىق بيۋدجەتتەن تولەندى
