قر پرەزيدەنتى نۇرسۇلتان نازارباەۆتىڭ «ۇلت جوسپارى – بەس ينستيتۋتسيونالدىق رەفورمانى جۇزەگە اسىرۋ جونىندەگى 100 ناقتى قادام» باعدارلاماسىندا سوت جۇيەسىن وڭتايلاندىرۋ, ىستى قاراۋ ۋاقىتىن جەڭىلدەتۋ, حالىققا قولجەتىمدىلىگىن ارتتىرۋ جونىندە ايتىلعانى بەلگىلى.
استانا قالاسى ەسىل اۋداندىق سوتىنىڭ سۋدياسى ا.سانسىزباەۆانىڭ ايتۋىنشا, بۇگىنگى تاڭدا سوت جۇيەسىنىڭ الدىنا قويىلعان بۇل مىندەتتەر زاڭنامالىق تۇرعىدا تولىعىمەن ورىندالعان. اتاپ ايتقاندا, باعدارلامادا كوزدەلگەندەي, بيىلعى جىلدىڭ 1 قاڭتاردان باستاپ قازاقستان رەسپۋبليكاسىنىڭ سوتتارىندا ءۇش ساتىلى سوت جۇيەسى جۇمىس ىستەي باستادى. جاڭا مودەل حالىقارالىق ستاندارتتارعا دا ساي كەلەدى, بۇل ءوز قۇرىلىمى بويىنشا حالىققا الدەقايدا ىڭعايلى جانە سوت تورەلىگىنىڭ تيىمدىلىگىن ارتتىرۋعا مۇمكىندىك بەرەدى.
ەلباسى سوت كورپۋسىندا جۇمىس اتقاراتىن سۋديالاردىڭ بىلىكتىلىگىنە باسا نازار اۋدارۋ قاجەتتىگىن اتاپ كورسەتتى. بۇل باعىتتا ءتۇرلى شارا جاسالدى. ونىڭ ءبىرى – ۇمىتكەر مامانداندىرىلعان بىلىم الۋى, سۋديا بىلىكتىلىگىن جانە جۇمىس ساپاسىن جاقسارتۋى. سوندىقتان قالىپتاسقان سوت تورەلىگى ينستيتۋتىندا وقىعان ۇمىتكەر ماگيسترانت بولىپ شىعادى. بىتىرگەن ماگيسترانت كەيىننەن سۋديالىق لاۋازىمعا قاتىسۋعا دا قۇقى بار, قاتىسپاۋعا دا قۇقى بار.
سۋديا ا.سانسىزباەۆا اتاپ كورسەتكەندەي, «100 ناقتى قادام» باعدارلاماسىن ورىنداۋ ماقساتىندا جاڭا ازاماتتىق پروتسەستىك كودەكس, «جوعارى سوت كەڭەسى تۋرالى» زاڭ قابىلداندى. «قازاقستان رەسپۋبليكاسىنىڭ سوت جۇيەسى مەن سۋديالاردىڭ مارتەبەسى تۋرالى» كونستيتۋتسيالىق زاڭعا, قىلمىستىق پروتسەستىك, اكىمشىلىك قۇقىق بۇزۋشىلىق تۋرالى كودەكستەرگە ءتيىستى وزگەرىستەر ەنگىزىلدى.
مىندەتتى اۋديو-بەينە جازبالارىن ەنگىزۋ جونىندەگى تاپسىرمانى ىسكە اسىرۋ ماقساتىندا, بۇل مىندەتتەمە ازاماتتىق, قىلمىستىق جانە اكىمشىلىك سوت ءىس جۇرگىزۋلەرىندە بەلگىلەندى.
بۇل رەتتە, ورناتىلعان اۋديو-بەينە جازبا قۇرالدارى مالىمەتتەردى ساقتاۋدىڭ ورتالىق جۇيەسىنە قوسىلعان ەكەن. بۇل دەگەنىڭىز سۋديا, نە حاتشى اۋديو-بەينە جازبا قۇرالدارىنداعى ماتەريالداردى ۋاقىتشا توقتاتۋعا نەمەسە وزگەرتۋگە مۇمكىنشىلىگى بولمايدى.
ۇلت جوسپارىنىڭ 21-قادامىن ورىنداۋ ماقساتىندا, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت تورەلىگى جۇيەسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2015 جىلعى 31 قازانداعى زاڭىمەن 5 قۇرامدى قىلمىس بويىنشا ىستەردى قاراۋ مۇمكىنشىلىگى ارقىلى القابيلەر سوتىن قولدانۋ اياسى كەڭەيتىلگەن.
ەلباسىنىڭ تاپسىرمالارىن ىسكە اسىرۋ اياسىندا جۇرگىزىلىپ جاتقان سوت سالاسىنداعى وزگەرىستەردىڭ ارقاسىندا قازاقستاننىڭ الەمدىك ارەناداعى ورنى دا ارتۋدا. دەمەك, جۇرگىزىلىپ جاتقان رەفورمالار ءوز ناتيجەلەرىن بەرۋدە جانە دە سوت وسىمەن شەكتەلمەي ءالى دە جەتىلە تۇسەدى.
ەلباسىنىڭ جاريالاعان بەس ينستيتۋتسيونالدىق رەفورماسى اياسىندا حالىق پەن مەملەكەت يگىلىگى ءۇشىن سوت ءىسىن جۇرگىزۋ مەن سوت ءوندىرىسىن ودان ءارى جەتىلدىرۋ جۇمىستارى ءالى دە جالعاساتىن بولادى.
حالىقتىڭ سۋديالارعا دەگەن سەنىمىن ارتتىرۋ ماقساتىندا, سۋديالاردىڭ ادەپ كودەكسىن جاڭارتۋ مەن جەتىلدىرۋ بارىسىندا جۇمىستار جۇرگىزىلدى. سۋديالار وداعىنىڭ كەزەكتەن تىس VII سەزىندە قابىلداناتىن جاڭا ادەپ كودەكسى ۇزدىك حالىقارالىق تاجىريبەگە نەگىزدەلىپ ازىرلەنۋدە. بۇدان بۇرىنعى كودەكستە وسى ءپرينتسيپتى باسشىلىققا العان.
ءبىزدىڭ مىندەت ەلباسى باعىت-باعدارىن ايقىنداپ بەرگەن ناقتى ماقساتتاردى ءمىنسىز ورىنداۋ بولماق.
