بجزق قايتىس بولعان تۋىستاردىڭ جەكە زەينەتاقى شوتىنىڭ بولۋىن نە بولماۋىن تەكسەرۋدى وتىنەدى
«بىرىڭعاي جيناقتاۋشى زەينەتاقى قورى» اكتسيونەرلىك قوعامى (بجزق) بجزق-دا قايتىس بولعان سالىمشىلاردىڭ زەينەتاقى جيناقتارى بار
1998 جىلدان بەرى اشىلعان جەكە زەينەتاقى شوتتارىنىڭ (جزش) بار ەكەنىن حابارلايدى.
وسىعان وراي جيناقتاۋشى زەينەتاقى قورلارىنا نەمەسە بجزق-عا جەرلەۋدى جۇزەگە اسىرۋعا بىرجولعى تولەم الۋعا نە مۇراگەرلىك بويىنشا زەينەتاقى جيناقتارىن تولەۋگە بۇرىن ءوتىنىش بەرمەگەن وتباسى مۇشەلەرىنىڭ نە قايتىس بولعان سالىمشىلاردى جەرلەۋدى جۇزەگە اسىرعان تۇلعالاردىڭ قايتىس بولعان سالىمشىدا جزش بولۋىن نە بولماۋىن تەكسەرۋ جانە جزش بولسا, جەرلەۋدى جۇزەگە اسىرۋعا/مۇراگەرلىك بويىنشا زەينەتاقى ءتولەمدەرىن تاعايىنداۋ تۋرالى ءوتىنىش بەرۋ ماقساتىندا بجزق وڭىرلىك بولىمشەلەرىنە كەلۋىن وتىنەمىز.
قايتىس بولعان سالىمشىدا جزش بولۋىن نە بولماۋىن تەكسەرۋ ءۇشىن مۇراگەردىڭ نەمەسە جەرلەۋدى جۇزەگە اسىرعان تۇلعانىڭ جەكە باسىن كۋالاندىراتىن قۇجاتتى جانە سالىمشىنىڭ قايتىس بولعانى تۋرالى كۋالىكتى الىپ كەلۋ قاجەت.
جەرلەۋدى جۇزەگە اسىرۋعا نەمەسە مۇراگەرلىك بويىنشا زەينەتاقى جيناقتارىن تولەۋدى رەسىمدەۋگە قاجەت قۇجاتتار ءتىزىمىن قور سايتىنىڭ
(www.enpf.kz) «قىزمەتتەر» – «الۋشىلارعا» – «زەينەتاقى تولەمدەرىن رەسىمدەۋ ءتارتىبى» – «الۋشىنىڭ قايتىس بولۋىنا بايلانىستى تولەمدەر» بولىمىنەن الۋعا بولادى.
مالىمەت ءۇشىن بجزق-دان جەرلەۋدى جۇزەگە اسىرۋعا تولەمنىڭ رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ (اەك) 52,4 ەسەلەنگەن مولشەرى شەگىندە, بىراق جزش-داعى قاراجاتتان اسپايتىن مولشەردە ءبىر رەت تولەنەتىندىگىن حابارلايمىز. اعىمداعى جىلى 1 اەك – 2 121 تەڭگە. بىرجولعى جەرلەۋگە تولەم جاسالعان سوڭ زەينەتاقى جيناقتارىنىڭ قالدىعى ەڭ تومەنگى زەينەتاقى مولشەرىنەن از بولعان جاعدايدا, بۇل قالدىق اتالعان تولەم سوماسىنا قوسىلادى.