استانا بيلىگى اۋىزسۋدى حلورمەن تازارتۋ تەحنولوگياسىنان باس تارتىپ جاتىر. مامانداردىڭ سوزىنە سەنسەك, حلورسىز تازارتۋ ءادىسى ەلوردا تۇرعىندارى قولدانىپ وتىرعان سۋدىڭ ساپاسىن بىرشاما جاقسارتا تۇسپەك.
قالالىق كوممۋنالدىق شارۋاشىلىق باسقارماسى باستىعىنىڭ ورىنباسارى تيمۋر ءابىجانوۆتىڭ ايتۋىنشا, استانانىڭ باستى سۋ تاراتۋ مەكەمەسى زالالسىزداندىرۋدىڭ ەسكى ءتاسىلىن قولدانبايتىن بولدى. مۇنداي مۇمكىندىككە سۋ تازارتۋ ستانتسياسىنا رەكونسترۋكتسيا
جاساۋ ارقىلى قول جەتكىزىلگەن. «سۋ ساپاسى ارتقانىمەن, ەسكىرگەن ماگيسترالدى قۇبىرلار اۋىزسۋ ساپاسىنا كەرى اسەرىن تيگىزۋى مۇمكىن. ەندى باستى جوسپار – جارامسىز سۋ قۇبىرلارىن اۋىستىرۋ بولىپ وتىر» دەيدى ول.
