استانانىڭ كولىك قوزعالىسى تىعىز بىرنەشە كوشەلەرىنە «Rejuvaseal» دەپ اتالاتىن ايرىقشا قورعانىش قابات توسەلىپ جاتىر. بۇگىنگە دەيىن تۇران, ورىنبور داڭعىلدارى مەن دوستىق, قوناەۆ كوشەسى سەكىلدى 6 بىردەي كوشە وسىنداي تاسىلمەن قايتا وڭدەۋدەن وتكىزىلدى.
جولدارعا قارا ماي, حوش ءيىستى مايلار مەن ارنايى ەرىتىندىلەردەن جاسالعان ەمۋلسيا اسفالتبەتون جابىنى توسەلىپ, گەرمەتيزاتسيالانادى جانە قورعايدى. بۇل قابات كوشەلەردىڭ توزۋ پروتسەسىن باياۋلاتىپ, جاڭارتادى, قولدانۋ مەرزىمىن ۇزارتادى.
قوسپا جول جابىنىنا سىڭەدى جانە ەسكى اسفالت جابىنىندا انىقتالعان حيميالىق زاتتار تەڭگەرىمسىزدىگىن قالپىنا كەلتىرەدى. بۇل پروتسەسس تۇتقىرلىق پەن مورت سىنعىشتىقتى ايتارلىقتاي تومەندەتەدى, سونىمەن قاتار, اسفالتتىڭ سوزىلعىشتىعى مەن يىلگىشتىگىن ارتتىرىپ, جارىلۋىنا, قابىرشاقتانۋىنا جول بەرمەيدى.
الداعى ۋاقىتتا ورىنبور, پۋشكين, كەرەي جانە جانىبەك حاندار كوشەسى مەن اباي, سارىارقا, رەسپۋبليكا داڭعىلدارى سەكىلدى تاعى بىرنەشە ءىرى جول تورابى وسىنداي وڭدەۋدەن وتەدى دەپ كۇتىلىپ وتىر.
بۇركىت نۇراسىل
