– كەشە پرەزيدەنتىمىز قاسىم-جومارت توقاەۆتىڭ QAZAQSTAN تەلەارناسىنداعى مازمۇندى سۇحباتىن تىڭداپ شىقتىم. سۇحباتتا حالىقتى تولعاندىرعان كوپ ساۋالعا ناقتى جاۋاپ بەرىلدى. اسىرەسە, قاڭتار قاسىرەتى, كادرلىق ماسەلەلەر, سىرتقى ساياسات, الەۋمەتتىك جانە ساياسي رەفورمالار, اقپاراتتىق ساياسات, ەكونوميكالىق ماسەلەلەر جانە وزگە دە تۇيتكىلدى تاقىرىپتار ءسوز بولدى.
مەملەكەت باسشىسى ءوز جۇمىسىنىڭ باسىم باعىتى رەتىندە ازاماتتىق قوعاممەن جانە تاۋەلسىز ساراپشىلارمەن ديالوگ ەكەنىن دە اتاپ ءوتتى. بۇل – «حالىق ۇنىنە قۇلاق اسۋشى مەملەكەت» قاعيداسىنا سايكەس كەلەدى جانە ەل-جۇرتتىڭ كوڭىلىنەن شىققان ماڭىزدى باستاما. «ادام مەملەكەت ءۇشىن ەمەس, مەملەكەت ادام ءۇشىن» دەگەن قاعيدانى جاريالادىم» دەدى قاسىم-جومارت توقاەۆ.
ادام, ونىڭ ءومىرى مەن ءال-اۋقاتى ەلدىڭ باستى بايلىعى ەكەنىن تاعى ءبىر مارتە دالەلدەدى. بۇل قاعيدا كەز كەلگەن دارەجەدەگى مەملەكەتتىك قىزمەتشىنىڭ جۇمىسىنداعى باستى قاعيداعا اينالۋى ءتيىس. پرەزيدەنت بۇگىندە قوعامىمىزدا وزەكتى بولىپ وتىرعان كەز كەلگەن ماسەلەنى تالقىلاۋعا دايىن ەكەنىن تاعى دا كورسەتتى.
مەن مەملەكەت باسشىسىنىڭ بۇل دۇنيەدەگى تاعدىرىمىزدى ءوزىمىز عانا شەشە الامىز دەگەن ءسوزىن تولىقتاي قولدايمىن. بىزدە ءبىر عانا مەملەكەت بار ول – قازاقستان. ءبىزدىڭ باسقا وتانىمىز جوق. جانە ءبىز مۇنى ارقاشان ەستە ۇستاۋىمىز كەرەك.
ەرلان كاناليموۆ,
نۇر-سۇلتان قالالىق ءماسليحاتىنىڭ حاتشىسى
