بىلتىر استانادا 1000-نان اسا زاڭسىز نەمەسە سوزىندە قاتەسى بار جارناما الىنىپ تاستالدى. بيىل دا كۇن سايىن ءار اۋدان كوشەلەرىندە وسىنداي جۇمىس جالعاسىپ جاتىر. سىرتقى (كورنەكى) جارنامانى رەتكە كەلتىرۋ جۇمىسىمەن قالالىق تىلدەردى دامىتۋ جانە ارحيۆ ءىسى, ساۋلەت, قالا قۇرىلىسى جانە جەر قاتىناستارى باسقارمالارى, قالا اۋداندارى اكىمدىكتەرى ماماندارىنان قۇرالعان ارنايى جۇمىس توبى اينالىسىپ جاتىر.
وتكەن جىلى قالاداعى ءتورت اۋدانداعى كوشەلەرگە رەيد ۇيىمداستىرىلدى. مىڭداعان نىسان تەكسەرىلىپ, كاسىپ يەلەرىنە زاڭ تالاپتارى ءتۇسىندىرىلدى. ورىن العان زاڭ بۇزۋشىلىقتار بويىنشا نىسان يەلەرىنە جادىناما تاراتىلىپ, تۇزەتۋگە ۇسىنىمدار بەرىلدى.
استانا قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپتىڭ ايتۋىنشا, ەلوردادا سىرتقى جانە ىشكى كورنەكى اقپاراتتاردى زاڭ تالاپتارىنا سايكەستەندىرۋ جۇمىستارىن جۇيەلى تۇردە جۇرگىزۋ كەزىندە ءتيىستى شارالاردى اتقارۋ ماقساتىندا اۋقىمدى جوبالار قولعا الىنعان. اتاپ ايتقاندا, «قازاق ءتىلى» قوعامىمەن بىرگە «كورنەكى» جوباسى جۇزەگە اسىرىلۋدا. وسى جوبا اياسىندا ورىن العان زاڭ بۇزۋشىلىقتاردى قوعام وكىلدەرىمەن بىرلەسە وتىرىپ جويۋ جوسپارلانعان. «Körneki» جوباسى قازاقستانداعى كورنەكى اقپارات تارالۋىن رەتتەيتىن زاڭداردىڭ ورىندالۋىن قامتاماسىز ەتۋ ارقىلى كورنەكى اقپاراتتىڭ ساپاسى مەن سانىن جەتىلدىرۋ ماسەلەسىنە باعىتتالعان.
اتالمىش باسقارما مەن استانا قالاسىنىڭ «اتامەكەن» كاسىپكەرلەر پالاتاسى اراسىندا ءوزارا ىنتىماقتاستىق تۋرالى مەموراندۋمعا قول قويىلعان. وسى مەموراندۋم اياسىندا ساۋدا ورتالىقتارى, قوعامدىق تاماقتانۋ ورىندارىنىڭ, قىزمەت كورسەتۋ, باسقا دا نىساندار باسشىلىعىمەن جۇيەلى نەگىزدە كەزدەسۋلەر وتكىزىلەدى. بىرلەسكەن كەڭەستەردە تىلدەر تۋرالى زاڭنامانىڭ تالاپتارىنا سايكەس سىرتقى جارناما مەن كورنەكى اقپاراتتى ورنالاستىرۋ حالىققا مەملەكەتتىك تىلدە قىزمەت كورسەتۋ ماسەلەلەرى تالقىلانادى.
بىلتىر ەلورداداعى «شاپاعات», «گارانت سيتي», «دجافار», «تۇلپار», «جاننۇر», «الماتى», «وكان مەرەي», «اي-ماق تاۋ», «سولتۇستىك», «حان شاتىر», «Car city» ساۋدا ۇيلەرى جانە «ۇلجان», «وردا», «شارىن», «اسەم», «سارىارقا», «كوك», «وردا», «بيگ شانحاي» ساۋدا كەشەندەرىنىڭ بازارىندا ونلاين جانە وففلاين فورماتىندا جينالىستار ۇيىمداستىرىلدى. قالاداعى «MEGA Silk Way», «الەم», «سارىارقا», «Keruen City», «شاپاعات», «استانالىق بازار» ساۋدا ورتالىقتارىنىڭ باسشىلارىنا رەسمي تۇردە حات جولداندى.
وتكەن جىلدىڭ كۇزىندە تىلدەردى دامىتۋ جانە ارحيۆ ءىسى باسقارماسى ينۆەستيتسيالار جانە كاسىپكەرلىكتى دامىتۋ باسقارماسىمەن بىرلەسىپ, ەلورداداعى ساۋدا ورتالىقتارى باسشىلارىمەن ءتىل تۋرالى زاڭناما تالاپتارىنىڭ ورىندالۋ جانە باقىلاۋ-كاسسالىق ماشينالار ارقىلى مەملەكەتتىك تىلدە بەرىلەتىن تۇبىرتەكتەر ماسەلەلەرى بويىنشا جينالىس وتكىزدى. كاسىپكەرلەرگە «ءتىل تۋرالى» قازاقستان رەسپۋبليكاسىنىڭ زاڭىنا ەنگىزىلگەن وزگەرىستەر مەن تولىقتىرۋلار بويىنشا ءتۇسىندىرىلىپ, مەملەكەتتىك تىلدە چەكتەردى شىعارۋعا قاتىستى حابارلاما سيپاتىنداعى ۇسىنىستار بەرىلدى.
سونىڭ ىشىندە «دۋمان», «Rixos Astana», «Sheraton Astana», «Saad», «Alanda», «Radisson», «The Ritz-Carlton Astana», «Ramada by Wyndham Astana», «King Hotel Astana», «Hampton by Hilton Astana», «The St. Regis Astana», باسقا دا قوناقۇي باسشىلارى مەن وكىلدەرىنە ونلاين تۇردە جينالىس ۇيىمداستىرىلدى. كەزدەسۋ بارىسىندا قازاقستان رەسپۋبليكاسىنداعى ءتىل تۋرالى زاڭىنىڭ تالاپتارى, سونىڭ ىشىندە ماڭدايشالار, سىرتقى جارناما مەن كورنەكى اقپاراتتاردى زاڭ تالاپتارىنا سايكەستەندىرۋ, تۇتىنۋشىلارعا مەملەكەتتىك تىلدە قىزمەت كورسەتۋ ماسەلەلەرى تالقىلاندى. كەزدەسۋ سوڭىندا بيزنەس وكىلدەرى كوتەرىلگەن ماسەلەلەر بويىنشا سۇراقتارىنا جاۋاپتارىن الدى.
وتكەن جىلى «ساۋدا-ساتتىققا قاجەتتى سوزدەر جيىنتىعى» قالتا كىتاپشاسى جانە «قازاقستان رەسپۋبليكاسىنداعى تiل تۋرالى» قازاقستان رەسپۋبليكاسىنىڭ زاڭىن تۇسىندىرەتىن 2000 جادىناما ازىرلەنىپ, ساۋدا ورتالىقتارى مەن دۇكەندەرىنە تاراتىلدى.
«ءبىر وكىنىشتىسى, مەملەكەتتەن ءتۇرلى جەڭىلدىك بەرىلگەنىن, وزدەرىن قۇزىرلى ورگانداردىڭ تەكسەرە المايتىنىن پايدالانىپ, ءتىل زاڭىن وڭدى-سولدى بۇزاتىن كاسىپكەرلەر ازايار ەمەس» دەيدى ساكەن ەسىركەپ. سوندىقتان قازىر ءتيىستى جۇمىس كۇشەيتىلىپ جاتىر.
«ءتىل تۋرالى» زاڭنىڭ 21-بابىنا سايكەس, مەملەكەتتىك ەمەس ۇيىمداردىڭ ماڭدايشالارى مەملەكەتتىك تىلدە, قاجەت بولعان كەزدە ورىس تىلىندە جانە (نەمەسە) باسقا تىلدەردە دە ورنالاستىرىلادى. حابارلاندىرۋلار, جارناما, پرەيسكۋرانتتار, باعا كورسەتكiشتەرi, اس مازىرلەرى, نۇسقاعىشتار جانە باسقا دا كورنەكi اقپارات مەملەكەتتiك تiلدە, قاجەت بولعان كەزدە ورىس تىلىندە جانە (نەمەسە) باسقا تiلدەردە دە ورنالاستىرىلادى. قازاقستاندا وندiرiلەتiن تاۋارلاردىڭ ارنايى مالiمەتتەر كورسەتiلگەن تاۋارلىق جاپسىرمالارىندا (ەتيكەتكالارىندا), تاڭبالامالارىندا, نۇسقاۋلىقتارىندا مەملەكەتتiك تiلدە جانە ورىس تiلiندە قاجەتتi اقپارات بولۋعا تيiس. شەتەلدە وندiرiلگەن تاۋارلاردىڭ ارنايى مالiمەتتەر كورسەتiلگەن تاۋارلىق جاپسىرمالارى (ەتيكەتكالارى), تاڭبالامالارى, نۇسقاۋلىقتارى يمپورتتاۋشى ۇيىمداردىڭ قاراجاتى ەسەبiنەن مەملەكەتتiك تiلدەگi جانە ورىس تiلiندەگi اۋدارماسىمەن قامتاماسىز ەتiلەدi. دەرەكتەمەلەر مەن كورنەكi اقپاراتتىڭ بارلىق ءماتiنi مىناداي رەتپەن: مەملەكەتتiك تiلدە – سول جاعىنا نەمەسە جوعارعى جاعىنا, ورىس تiلiندە وڭ جاعىنا نەمەسە تومەنگi جاعىنا ورنالاسادى, بiردەي ولشەمدەگi ارiپتەرمەن جازىلادى. قاجەتiنە قاراي دەرەكتەمەلەر مەن كورنەكi اقپاراتتىڭ ماتiندەرi قوسىمشا باسقا دا تiلدەرگە اۋدارىلۋى مۇمكiن. بۇل جاعدايدا قارiپ ولشەمi نورماتيۆتiك قۇقىقتىق اكتiلەردە بەلگiلەنگەن تالاپتاردان اسپاۋعا تيiس. اۋىزشا اقپارات, حابارلاندىرۋ, جارناما مەملەكەتتiك تiلدە, ورىس جانە قاجەت بولعان جاعدايدا باسقا دا تiلدەردە بەرiلەدi.
