تابيعاتتى ايالاۋ – قاسيەتتى بورىش
![](https://astana-akshamy.kz/wp-content/uploads/2023/03/6837c318bd2c2c9469183a2e041dc4e1_original.118123-1-780x470.jpg)
قحپ شىمكەنت قالاسى فيليالىنىڭ ۇيىمداستىرۋىمەن «تازا قالا» ءىس-شاراسى ءوتتى. وندا پارتيا وكىلدەرى تۇرعىنداردى قورشاعان ورتانى قورعاۋعا, تابيعاتتى ايالاۋعا شاقىرىپ, قحپ سايلاۋالدى باعدارلاماسىن تانىستىردى.
اكتسيانىڭ باستى ماقساتى – قالا تۇرعىندارىن قورشاعان ورتانى قورعاۋعا, قالانى قوقىستان تازارتۋعا تارتۋ. شارادا قاتىسۋشىلار اعاش كوشەتىن وتىرعىزىپ, قالانىڭ كوگالدانۋىنا ءوز ۇلەسىن قوستى.
– حالىق پارتياسى قازاقستاننىڭ بارلىق قالاسىندا ساۋلەت ەرەكشەلىگىن جانە ونىڭ تاريحي قۇندىلىعىن ەسكەرمەي, رەتسىز ءارى تىعىز سالىناتىن قۇرىلىسقا قارسى. سونداي-اق, قالالار مەن اۋىلدارداعى تازا اۋا مەن ساۋلەتتى كەلبەتتى قولدايدى, – دەدى ۇيىمداستىرۋشىلار.
ايتا كەتەيىك, پارتيانىڭ قالالىق فيليالى سايلاۋالدى ۇگىت-ناسيحات جۇمىسى اياسىندا 8 مىڭ ادامدى قامتىعان ەلۋگە تارتا ءىس-شارا وتكىزگەن. سونىمەن قاتار حالىق پارتياسىنىڭ سايلاۋالدى باعدارلاماسىن تانىستىرىپ, شىمكەنت جۇرتىنىڭ تالاپ-تىلەگىن نازارعا العان.
ءىس-شارادا ءبىلىم, دەنساۋلىق, جۇمىسسىزدىق پەن كوپبالالى انالار ماسەلەسى دە ايتىلدى.
– ايەلدەرگە بارلىق سالادا قولايلى جاعداي جاساۋ – پارتيانىڭ الداعى بەس جىلدا اتقاراتىن ءىسى. بىرىنشىدەن, ءاربىر قازاقستاندىق ايەل انا باقىتىن سەزىنۋى كەرەك. ول ءۇشىن بارلىق جاعدايدى جاسايمىز. دەنى ساۋ انا – دەنى ساۋ بالالار. بۇگىنگى ءبىزدىڭ مىندەتىمىز – ولارعا كومەكتەسۋ جانە قولداۋ كورسەتۋ. انا بولۋ – ايەلدىڭ باستى ماقساتى, – دەدى گ.تاناشەۆا.
سونداي-اق, اكتسيا بارىسىندا ۇيىمداستىرۋشىلار جاستاردى وتانسۇيگىشتىككە شاقىرىپ, 19 ناۋرىزدا بولاتىن سايلاۋعا بەلسەندى قاتىسۋعا شاقىردى.