ءاليحان بوكەيحان اتىنداعى №76 مەكتەپ-ليتسەيىندە باستاۋىش سىنىپ بىرلەستىگى مۇعالىمدەرىمەن قۇندىلىققا باعىتتالعان ءبىلىم بەرۋ نەگىزىندە «Lesson study: تەوريادان تاجىريبەگە ىزدەنىس» تاقىرىبىندا قالالىق سەمينار ءوتتى. ماقساتى – ىنتىماقتاستىق ورتا قۇرۋ ارقىلى ساباقتى زەرتتەۋدەگى ءىس-تاجىريبەمەن ءبولىسۋ.
بۇل ءىس-شاراعا استانا مەكتەپتەرىنەن بىرلەستىك جەتەكشىلەرى مەن جاس ماماندار قاتىستى. سەميناردىڭ قاتىسۋشىلارعا بەرەرى مول بولدى. ساباقتى زەرتتەۋدى وقىپ بىلگەننەن گورى, تاجىريبەدە قولدانىپ, بىرگە جاساعان الدەقايدا ءتيىمدى ەكەنىنە تاعى ءبىر كوز جەتكىزدىك. سەميناردى مەكتەپ ديرەكتورى بوتاگوز سەيدەش اشىپ, قاتىسۋشىلارعا ساتتىلىك تىلەدى. ب.بولاتبەكقىزى مەكتەبىمىزدە ءوتىپ جاتقان زەرتتەۋ جۇمىستارىمەن تانىستىرىپ, ناتيجەسىمەن ءبولىستى. ادىستەمەلىك ورتالىق ادىسكەرى نۇرجامال ءازىمباي «ساباقتا قولداناتىن ينتەربەلسەندى ءادىس-تاسىلدەر» تاقىرىبىنداعى جۇمىسىمەن ءبولىستى. ديرەكتوردىڭ بەيىندى ءىسى جونىندەگى مەڭگەرۋشىسى شايزات تاشەنوۆا ساباقتى زەرتتەۋ مەكتەبىمىزدە قالاي ۇيىمداستىرىلىپ جاتقانى تۋرالى بايانداما جاسادى. سەمينار زەرتتەۋ ساباقتارىن جوسپارلاۋدان باستالدى. وعان ءتورت زەرتتەۋ توبى قاتىستى. ءار توپ جەتەكشىسى سول كۇنگى ساباق جوسپارىن توپ مۇشەلەرىمەن تالقىلاپ, توپپەن بىرگە بۇعان دەيىن ەنگەن وزگەرىستەردى ساباق جوسپارىنا قوستى. ارىپتەستەر جوسپارلاۋدىڭ بارىسىن كورىپ, باقىلاپ, تۇسىنبەگەن سۇراقتارىنا جاۋاپ الدى. جوسپارلاۋ اياقتالعاننان كەيىن ءتورت سىنىپتا زەرتتەۋ ساباقتارى وتكىزىلدى. زەرتتەۋ تاقىرىپتارىنا بايلانىستى وتكەن زەرتتەۋ ساباقتارى قىزىقتى ءارى تارتىمدى بولدى. ساباق جوسپارى توپ مۇشەلەرىمەن بىرگە جاسالعاندىقتان, ءدارىستى وتكىزۋ مۇعالىمدەرگە قيىندىق اكەلگەن جوق. ءار ساباق جوعارى دەڭگەيدە ءوتتى. زەرتتەۋ ساباقتارى اياقتالعان سوڭ ساباقتى تالقىلاۋ بولدى. فاسيليتاتور وتكەن ساباقتىڭ حاتتاماسىن جازا وتىرىپ, كەلەسى ساباقتا نەنى قالاي زەرتتەۋ كەرەگىن ناقتىلاپ وتىردى. وندا مۇعالىمدەر وتكەن ساباقتى ەگجەي-تەگجەي تالقىلاپ, ساباقتىڭ ءساتتى, ءساتسىز تۇسىن ورتاعا سالدى جانە كەلەسى ساباقتى جوسپارلادى. سەمينار بارىسىندا قاتىسۋشىلار ساباقتى زەرتتەۋدىڭ بارلىق كەزەڭىنە قاتىسىپ, سۇراق قويىپ, پىكىرتالاس جاساپ, بەلسەندىلىك تانىتتى. باستاۋىش سىنىپتارداعى سەگىز زەرتتەۋ توبى ءوز پوستەرىن قورعادى. بۇل جەردە بارلىق زەرتتەۋ توبى ءوز زەرتتەۋ تاقىرىپتارىن اشىپ, تالداپ, بۇگىنگە دەيىن جاسالعان جۇمىس ناتيجەلەرىمەن ءبولىستى. كەيىن كەلگەن قوناقتار شەبەرلىك سىنىپتارعا قاتىسىپ, تاجىريبە الماستى. شەبەرلىك سىنىپتاردا مەكتەبىمىزدىڭ زەرتتەۋشى ۇستازدارى ءوز ساباقتارىنداعى وزىق تاجىريبەلەرىن ورتاعا سالىپ, زەرتتەۋدىڭ قىر-سىرىمەن تانىستىردى. وسى ارالىقتاردا كەلگەن قوناقتاردان سۇحبات الىنىپ, كەرى بايلانىس جاسالىپ وتىردى. كەلگەن ۇستازدار سەميناردان العان ينسايتتارى مەن ءوز كەيستەرىنە وزەك ەتىپ العان ادىستەرى تۋرالى اسەرىن ورتاعا سالدى جانە مەكتەپ ۇستازدارىنا دەگەن جىلى لەبىزىن ءبىلدىردى.
قورىتىندى بولىمدە ءادىستەمەلىك ورتالىق ادىسكەرى نۇرجامال ءازىمباي ۇيىمداستىرىلعان جۇمىستاردىڭ ناتيجەسىن كورىپ, جوعارى باعاسىن بەردى. جوعارى دەڭگەيدە ۇيىمداستىرىلعان سەميناردىڭ كۋاسى بولعانىن ايتىپ, ارىپتەستەرگە شىعارماشىلىق تابىس تىلەدى.
دۇنيە جۇزىندەگى كوپتەگەن مۇعالىم ءىس-تاجىريبەسىنەن تۇراقتى ورىن العان وقىتۋ جۇمىسىن ۇيىمداستىرۋ مەن جوسپارلاۋدىڭ نەگىزگى قاعيداتتارىن قولدانۋ ورىندى دا ناتيجەلى ەكەنىن دالەلدەيتىن فاكتىلەر بۇگىنگى تاڭدا عىلىمي-پەداگوگيكالىق ادەبيەتتە جەتكىلىكتى دەڭگەيدە كەزدەسەدى. دەگەنمەن وسى جۇمىستاردى مۇعالىم كوزبەن كورىپ, بىرگە باقىلاپ, بىرگە جاساسا, ول الدەقايدا ءتيىمدى بولماق. بىرلەسە اتقارعان جۇمىستارىمىز ءارى قاراي دا جالعاسىن تابادى.
سالتانات ءجۇسىپوۆا,
ءلاززات ءابدىروۆا,
ءاليحان بوكەيحان اتىنداعى №76 مەكتەپ-ليتسەيىنىڭ باستاۋىش سىنىپ مۇعالىمدەرى
