بىلتىر مەملەكەت باسشىسى قاسىم-جومارت توقاەۆتىڭ جارلىعىمەن 25 قازان – رەسپۋبليكا كۇنى كۇنتىزبەگە ۇلتتىق مەرەكە رەتىندە قايتا ەندى. بارشا قازاقستاندىقتى ەلىمىزدىڭ قايتا جاڭعىرعان ۇلتتىق مەرەكەسىمەن قازاق ۇلتتىق حورەوگرافيا اكادەمياسى ۇجىمىنىڭ اتىنان شىن جۇرەكتەن قۇتتىقتايمىن!
25 قازان – ەل تاۋەلسىزدىگىنىڭ العاشقى قادامى, ەڭ ماڭىزدى كۇن. كەز كەلگەن مەملەكەتتىڭ دامۋىن كورسەتەتىن عىلىم, ءبىلىم, ونەر ورداسى – قازاق ۇلتتىق حورەوگرافيا اكادەمياسى ەرتەڭگى ۇرپاق ماسەلەسىنە باسا نازار اۋدارىپ وتىر. ەگەمەندى ەلىمىزدىڭ بولاشاق ۇرپاعىنا كاسىبي داعدىنى ۇيرەتىپ قانا قويماي, پاتريوتيزمگە, ەڭبەكقورلىققا جانە ءوز ىسىنە جاۋاپتى بولۋعا, كەمەلدىككە ۇمتىلۋعا تاربيەلەيدى. ءبىلىم ورداسى ەلوردانىڭ عانا ەمەس, تۇتاس ەلدىڭ ونەرى مەن مادەنيەتىنىڭ دامۋىنا ەلەۋلى ۇلەس قوسىپ كەلەدى. قازىرگى تاڭدا اكادەميا – دارىندى جاستاردىڭ تالانتىن ۇشتاپ, ونەر الەمىندەگى بيىكتى باعىندىرۋىنا جول سالاتىن بەدەلدى وقۋ ورنىنىڭ ءبىرى. ءبىلىم الۋشىلارىمىز بەن تۇلەكتەرىمىز الەم دەڭگەيىندەگى ونەر سايىستارىندا جۇلدەلى ورىنداردان كورىنىپ ءجۇر. ونەر ورداسىنان تالاي تارلان ءوسىپ شىعىپ, قاناتتانعان جۇزدەگەن تۇلەك ەل مۇددەسى ءۇشىن لايىقتى تەر توگىپ كەلەدى. قازاقستاننىڭ تۇراقتى دامۋى مەن كەمەلدەنۋى جولىنداعى ەڭبەگىڭىز تابىستى, بارلىق باستاماڭىز ءساتتى دە ناتيجەلى, ال بولاشاعىمىز جارقىن, ەلىمىزدىڭ ەگەمەندىگى باياندى بولسىن! حالقىمىزعا اماندىق, جەرىمىزگە تىنىشتىق تىلەيمىز!
بيبىگۇل ءنۇسىپجانوۆا,
پروفەسسور, قر ەڭبەك سىڭىرگەن قايراتكەرى,
قازاق ۇلتتىق حورەوگرافيا اكادەمياسىنىڭ رەكتورى
