ءتىلىڭدى ۇمىتپا, تۇلەك!
استانا قالاسىنىڭ تىلدەردى دامىتۋ جانە ارحيۆ ءىسى باسقارماسى №76 مەكتەپ-ليتسەيى تۇلەكتەرىنە ارناپ «ءتىلىڭدى ۇمىتپا, جاس تۇلەك!» كەشىن وتكىزدى.
باسقارما مەكتەپ ۇياسىنان ۇشقالى تۇرعان تۇلەكتەرگە مەملەكەتتىك ءتىلدى ۇمىتپاي, تۋعان ءتىلدى ۇلىقتاۋعا ۇندەۋ تاستادى. ءبىلىم ورداسىنا ايتىسكەر-اقىن مەيىربەك سۇلتانحان, مەملەكەتتىك تىلگە جاناشىر دەپۋتات گەننادي شيپوۆسكيح جانە بوكستان ايەلدەر اراسىنداعى الەم چەمپيونى ءلاززات كۇنگەيباەۆا سىندى بەلگىلى ازاماتتار شاقىرىلدى. ولار تۇلەكتەرگە پاتريوت بولۋ مەكتەپتەن باستالادى دەگەن وي تاستاپ, ۇلكەن ومىرگە قادام باسقان جاستارعا ساتتىلىك تىلەدى.
باسقارمانىڭ باس مامانى ەرجان ەڭسەباەۆتىڭ ايتۋىنشا, ۋنيۆەرسيتەتكە ءتۇسىپ, بولاشاقتا مامان يەسى اتاناتىن ازاماتتارعا باعىت-باعدار بەرۋ اسا ماڭىزدى. ول «انا ءتىلىن ۇلىقتاعان جاستار ەلگە ادال ەڭبەك ەتەدى» دەگەن پىكىردە.
شارا اياسىندا جاستارعا مەرەكەلىك كوڭىل كۇي سىيلاۋ ماقساتىندا ونەر يەلەرىنىڭ قاتىسۋىمەن كونتسەرت ۇيىمداستىرىلدى.