ترانسپلانتاتسيا بىزگە ەندى تاڭسىق ەمەس

استانا قالاسىنداعى №1 قالالىق اۋرۋحانادا نەفرولوگيا جانە گەپاتولوگيا سالاسىنداعى وزەكتى ماسەلەلەر تۋرالى ءۇش كۇندىك شەبەرلىك ساباقتارى اياقتالدى.

«باۋىر مەن بۇيرەكتىڭ شەتكى ساتى­سىنداعى اۋرۋلار جانە تۋىستىق ترانسپلانتاتسيا» تاقىرىبىندا گاسترو­ەنتەرولوگتارعا, گەپاتولوگتار مەن نەفرولوگتارعا, حيرۋرگ­تار مەن ترانس­پلان­تولوگتارعا ارنالعان شارا اياسىندا ن.سكليفوسوۆسكي اتىنداعى جەدەل جاردەم عىلىمي-زەرتتەۋ ينستيتۋتىنىڭ ماماندارى باۋىر مەن بۇيرەكتى ترانسپلانتاتسيالاۋ بويىنشا وپەراتسيالار جاسادى.

مامانداردىڭ مالىمدەۋىنشە, ەلىمىزدە جەتى مىڭعا جۋىق ادام وسى نەمەسە باسقا اعزالاردى الماستىرۋدى قاجەتسىنەدى ەكەن. ۇستىمىزدەگى جىلدىڭ باسىنان باستاپ ەلىمىزدە ءتىرى دونوردان بۇيرەكتى الماستىرۋ بويىنشا ەلۋ بەس وپەراتسيا جاسالعان. بۇگىنگى تاڭدا قازاقستاندا اعزالاردى ترانسپلانتاتسيالاۋمەن سەگىز كلينيكا اينالىسادى.

№1 قالالىق اۋرۋحانا – قازاقستانداعى ترانسپلانتولوگيانى دامىتاتىن قالا­لىق دەڭگەيدەگى العاشقى اۋرۋحانا بولىپ تابىلادى. بۇل – تۋىستىق ترانسپلانتاتسيا بويىنشا اۋرۋحانانىڭ ەكىنشى تاجىريبەسى. اتالمىش اۋرۋحانانىڭ باس دارىگەرى ا.تسوي العاش رەت باۋىردى ترانسپلانتاتسيالاۋ بويىنشا وپەراتسيا 2012 جىلعى اقپان ايىندا جاسالعانىن ايتا وتىرىپ, قازىر پاتسيەنت پەن رەتسيپيەنت وزدەرىن وتە جاقسى سەزىنەتىنىن ءارى قالىپتى ءومىر ءسۇرىپ جاتقاندارىن جەتكىزدى.

بۇل جولى تۋىستىق ترانسپلانتاتسيا بويىنشا ءتورت وپەراتسيا: بىرەۋى باۋىردى, ال, ۇشەۋى بۇيرەكتى ترانسپلانتاتسيالاۋ بو­يىنشا جاسالىپتى. ولاردىڭ ءبىرىن اۋرۋحانا ۇجىمىنىڭ ءوز قىزمەتكەرلەرى جاساپتى.

ءامينا اداي