جاستار ساياساتى ماسەلەلەرى باسقارماسىنىڭ ۇيىمداستىرۋىمەن استانا قالاسى اكىمدىگى جانىنداعى جاستار ىستەرى جونىندەگى كەڭەستىڭ كەزەكتى وتىرىسى ءوتتى. وعان قالاداعى باسقارما باسشىلارى, وقۋ ورىندارى وكىلدەرى جانە جاستار ساياساتىن جۇزەگە اسىرۋشى ۇيىمدار مەن بەلسەندى جاستار قاتىستى.
جيىندا ىشكى ىستەر دەپارتامەنتى يۋۆەنالدىق پوليتسيا بولىمشەسىندە ەسەپتە تۇرعان كامەلەتكە تولماعان جاسوسپىرىمدەر تۋرالى استانا قالاسى بالالاردىڭ قۇقىعىن قورعاۋ باسقارماسىنىڭ باسشىسى ريما يمانعازيەۆانىڭ بايانداماسى تىڭدالدى. ونىڭ ايتۋىنشا, 2008 جىلدان بەرى جاسوسپىرىمدەر اراسىنداعى قۇقىقبۇزۋشىلىق پەن قىلمىستار سانى 58%-عا ازايعان. قازىرگى تاڭدا ىشكى ىستەر دەپارتامەنتىندە 278 كامەلەتكە تولماعان بالا ەسەپتە تۇر. ولاردىڭ كوبىسى – 15-18 جاستاعىلار. ونىڭ ىشىندە 78%-ى – ۇلدار. وسى رەتتە استانا قالاسى جاستار ساياساتى ماسەلەلەرى باسقارماسىنىڭ باسشىسى تالعات راحمانبەردى الداعى ۋاقىتتا جاسوسپىرىمدەر اراسىنداعى قىلمىستىڭ ودان سايىن ازاياتىندىعىن جەتكىزدى. ويتكەنى, كەلەسى جىلدان باستاپ قالادا پوليتسياعا كومەك كورسەتەتىن ستۋدەنت جاساعى قۇرىلادى. ولار ىشكى ىستەر باسقارماسىنا رەسمي تۇردە تىركەلىپ, كادىمگىدەي كۋالىكتەرى بەرىلەدى. جاس كومەكشىلەر جاتاقحانالار, وقۋ ورىندارىنىڭ عيماراتى, قالا كوشەلەرى مەن تۇراتىن مەكەنجايلارى بويىنشا ءتارتىپتى باقىلايتىن بولادى. ولاردىڭ دەنى – زاڭ فاكۋلتەتىندە وقيتىن ستۋدەنتتەر.
وتىرىس بارىسىندا جاستار ىستەرى جونىندەگى كەڭەستىڭ 2014 جىلعا ارنالعان جوسپارى باياندالدى. وندا استانا قالاسىنىڭ ەمحانالارىنداعى جاستار دەنساۋلىق ورتالىقتارىنىڭ جۇمىسىن جانداندىرۋ, كاسىپتىك جانە تەحنيكالىق ءبىلىم مەكەمەلەرىندەگى جاستار ءىسى جونىندەگى كوميتەتتەردىڭ جۇمىسىن قاراۋ, ستۋدەنتتەرگە جەڭىلدەتىلگەن جولاقى ەنگىزۋ ماسەلەلەرى قاراستىرىلاتىن بولادى. تالقىلاۋ قورىتىندىسى بويىنشا تالعات ابايۇلى قالاداعى باسقارمالارعا جاستار ساياساتىن ءتيىمدى جۇزەگە اسىرۋ باعىتىندا بىرقاتار تاپسىرمالار بەردى.
ەركەجان ساتىمبەك
