تۇزەۋ مەكەمەلەرىنەن بوساعاندارعا الەۋمەتتىك كومەك كورسەتىلەدى

«استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى باس بوستاندىعىنان ايىرۋ ورىندارىنان بوساتىلعان ادامدارعا الەۋمەتتىك كومەك كورسەتۋگە بايلانىستى كەلەسى جايتتى قاپەرىڭىزگە بەرەدى.

«استانا قالاسىندا الەۋمەتتىك كومەك كورسەتۋدىڭ, ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىن بەكىتۋ تۋرالى» استانا قالاسى ءماسليحاتىنىڭ 2023 جىلعى 3 قازانداعى № 84/10-VIII شەشىمىنە سايكەس, الەۋمەتتىك كومەك باس بوستاندىعىنان ايىرۋ ورىندارىنان بوساتىلعان ادامداردىڭ ءوتىنىشى بويىنشا, بوساتىلعانى تۋرالى انىقتاما ۇسىنىلا وتىرىپ كورسەتىلەدى.

بوساتىلعاننان كەيىن التى ايدان كەشىكتىرىلمەي ءوتىنىش بەرۋىڭىز كەرەك. تولەم ءبىر ۋاقىتتا 15 اەك كولەمى مولشەرىندە بەرىلەدى جانە قايتا تولەنبەيدى.

ءوتىنىم بەرۋ ءۇشىن,سونداي-اق قوسىمشا اقپارات الۋ ءۇشىن مىنا مەكەنجايعا حابارلاسۋعا بولادى:

بەيبىتشىلىك كوشەسى 9.

انىقتاما تەلەفوندارى: الماتى اۋدانى 55-01-74;

نۇرا اۋدانى 55-68-40; ەسىل اۋدانى 55-74-50;

سارىارقا اۋدانى 55-14-87; بايقوڭىر اۋدانى 55-72-32″, – دەلىنگەن حابارلامادا.