ابىلايحان داڭعىلى, 5ا مەكەنجايىنداعى تۇرعىنداردىڭ ءوتىنىشى بويىنشا الماتى اۋدانىنىڭ اكىمدىگى, نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسى, سانيتارلىق-ەپيدەميولوگيالىق باقىلاۋ باسقارماسى, اۋداننىڭ پوليتسيا باسقارماسى, «استانا-تەپلوترانزيت» اق, «استانا سۋ ارناسى» اق, «وركەن قالا» جشس اتالعان ۇيدە ورنالاسقان «Small» ساۋدا ورتالىعى وكىلدەرىمەن جانە وسى ءۇيدىڭ تۇرعىندارىمەن كەزدەستى.
كەزدەسۋ بارىسىندا رادياتورلاردان شىعاتىن بوگدە دىبىستار مەن ساۋدا ورتالىعى جابدىعىنان پاتەرلەرگە كەلەتىن شۋ, كارىز جۇيەسىندەگى ماي ۇستاعىشتاردىڭ جاعدايى, گەنەراتوردى ورناتۋ ءۇشىن سالىنعان قوسىمشا عيماراتتىڭ زاڭدىلىعى ماسەلەلەرى قارالدى.
كەزدەسۋ قورىتىندىسىندا تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسى اياسىندا اتقارىلعان جۇمىستار بويىنشا ەسكەرتۋلەر ايتىلىپ, جاۋاپتى ادامدارعا ءتيىستى تاپسىرمالار بەرىلدى.
الماتى اۋدانى اكىمىنىڭ اپپاراتى وسى ماسەلەلەردىڭ شەشىلۋىن باقىلاۋعا الدى.
سونداي-اق الماتى اۋدانى اكىمى اپپاراتىنىڭ قىزمەتكەرلەرى, «ناك» جشس وكىلدەرى جانە ر.قوشقارباەۆ, 50 جانە 50/1 داڭعىلىنىڭ تۇرعىندارى قاتىسۋىمەن كوشپەلى كەڭەس ءوتتى.
كەزدەسۋ بارىسىندا اباتتاندىرۋدى قالپىنا كەلتىرۋ ماسەلەلەرى تالقىلانىپ, قۇرىلىس كومپانياسىنا ونى تەزىرەك اياقتاۋ ۇسىنىلدى.
