الماتى اۋدانىنىڭ اكىمى, Nur Otan پارتياسى الماتى اۋداندىق فيليالىنىڭ توراعاسى ەرلان بەكمىرزاەۆ «قازاقستاندىق مەكتەپكە دەيىنگى ۇيىمدار قاۋىمداستىعى» قوعامدىق بىرلەستىگى ەلوردالىق فيليالىمەن ءوزارا ىنتىماقتاستىق تۋرالى كەلىسىمگە قول قويدى. كەلىسىم اياسىندا جۇيەلى جوسپار ازىرلەنىپ, بىرقاتار بىرلەسكەن ءىس-شارالاردى جۇزەگە اسىرۋ جوسپارلانىپ وتىر.
«قوعامنىڭ بولاشاعى مەكتەپكە دەيىنگى بىلىمگە بايلانىستى. بالانىڭ بىلىمگە دەگەن ىنتاسىن ارتتىرۋ, دۇرىس تاربيەلەۋ, پاتريوتيزم سەزىمىن وياتۋ بالاباقشادان باستالادى» دەپ اتاپ ءوتتى ءوز سوزىندە ە.بەكمىرزاەۆ.
ارتىنشا ول اۋدان اۋماعىنداعى مەكتەپتەردى ارالادى. «مەكتەپتەردەگى ساپالى ءبىلىم, جايلى جاعداي مەن قاۋىپسىزدىك – وقۋشىلار مەن مۇعالىمدەر ءۇشىن ەڭ باستى مىندەت» دەدى اۋدان باسشىسى.
ارالاۋ بارىسىندا №22 مەكتەپ-گيمنازيادا سىرتقى جىلۋ جۇيەسى جوندەلمەگەنى, №86 مەكتەپ-گيمنازيادا وقۋشىلار ءۇشىن گاردەروب قاراستىرىلماعانى, №83 مەكتەپ-گيمنازيانىڭ قورشاۋىن بەكىتۋ قاجەتتىگى انىقتالدى. ە.بەكمىرزاەۆ وسى ماسەلەلەردى تەز ارادا شەشۋ ءۇشىن تاپسىرما بەردى.
