استانا تۇرعىندارى اراسىندا الەۋمەتتىك ەكسپەريمەنت جۇرگىزىلدى, دەپ حابارلايدى astana-akshamy.kz
الەۋمەتتىك ەكسپەريمەنت ەلوردا تۇرعىندارىنىڭ ەكولوگيالىق مادەنيەتتى قالاي ساقتايتىنىن جانە قورشاعان ورتانىڭ تازالىعىنا قامقورلىعىن انىقتاۋعا كومەكتەستى.
ۇيىمداستىرۋشىلار ەسىل وزەنىنىڭ جاعاسىنداعى جاياۋ جۇرگىنشىلەر كوشەسىنە بوس بوتەلكەلەردى, قاعازدارمەن باسقا دا قوقىستاردى تاستاپ كەتەدى.
ءتۇسىرىلىم توبى ءوتىپ بارا جاتقان ادامداردىڭ جەردە جاتقان قوقىستاردى كوتەرىپ جاتقانىن جانە ونى ارنايى قوقىس جاشىكتەرىنە سالاتىنىن باقىلاپ وتىردى.
الەۋمەتتىك ەكسپەريمەنت بارىسى جاسىرىن كامەراعا تۇسىرىلەدى. ەلوردا تۇرعىندارى قورشاعان ورتانىڭ تازالىعىنا بەي-جاي قاراماي, جەردە جاتقان قوقىستاردى ارنايى جاشىككە تاستايتىنىن بايقاۋعا بولادى.
«ءبىز استانا تۇرعىندارىنىڭ تازالىقتى ساقتاعانىن كوردىك. بۇعان ءبىر ساعاتتاي قاراپ كوز جەتكىزدىك. ەرەسەكتەر دە, بالالار دا جەردە جاتقان قوقىستاردى ارنايى قوقىس جاشىگىنە تاستايتىنىن كورىپ قۋاندىق. ءبارىمىز اينالامىزداعى تازالىققا جاۋاپتىمىز. كوممۋنالدىق سالانىڭ قىزمەتكەرلەرى عانا ەمەس, ءاربىر تۇرعىن ءبىزدىڭ قالامىزدىڭ تازا ءارى جايلى بولۋىنا ءوز ۇلەسىن قوسۋى ءتيىس دەپ سانايمىز», – دەپ اتاپ ءوتتى ۇيىمداستىرۋشىلار.
استانادا «تازا قازاقستان: استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسى ءوتىپ جاتىر. بۇل اپتا «ءمولدىر بۇلاق» دەپ اتالادى, ونىڭ بارىسىندا سۋ ايدىندارى – وزەندەر مەن كولدەردىڭ اينالاسى قوقىستان تازارتىلادى.
اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.
سونداي-اق, جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار جۇرگىزىلۋدە.
