تۇرعىندار ءدان ريزا

تۇرعىنداردى قابىلداۋ­دىڭ جاستار سارايىندا ۇيىم­داستىرىلعانى دا ۇتىم­دى بولعانى ءسوزسىز. ويتكەنى قالانىڭ ءدال ورتاسىندا ور­نالاسقان مەكەنجايعا ەلدىڭ كەلىپ-كەتۋى ىڭعايلى-اق.
«اشىق اكىمدىك» ءىس-شاراسىندا اۋدان اكىمدىگى اپپاراتى, قالالىق باسقارمالار جانە قىزمەت كورسەتۋ مەكەمەلەرىنىڭ وكىلدەرى وتىنىشپەن كەلگەن جۇرتشىلىقتى جەكە-جەكە قابىلداپ, تولعاندىرعان ماسەلەلەردى بىرگە قاراستىرىپ, ساۋالدارعا جاۋاپ بەرىلدى.
قابىلداۋعا العاشقىلاردىڭ ءبىرى بولىپ كەلگەن ناتاليا تسيبۋلينانىڭ ماقساتىن سۇراپ بىلگەن ەدىك.
– بىرىنشىدەن ايتارىم, مى­نانداي قابىلداۋ جۇرگىزۋ وتە ىڭعايلى ەكەن. ءوزىمدى تولعاندىرىپ جۇرگەن ەكى بىردەي ماسەلەمدى وسى جەردە قاراستىرىپ الدىم. كولىگىمە ارتىق سالىقتىڭ تۇسۋىنە بايلانىس­تى ساۋالىما كىرىس دەپارتامەنتى قىز­مەتكەرلەرىنەن ءتيىستى شە­شىمىن ءبىلىپ الدىم. ەكىنشىسى, مەكتەپ ماسەلەسىن دە انىقتادىم, – دەدى اۋدان تۇرعىنى.
قابىلداۋعا كەلىپ جاتقان جۇرتشىلىقتى, نەگىزىنەن, تۇر­عىن ءۇي, قوعامدىق ءتار­تىپ, بالاباقشا, مەكتەپ, دەنساۋلىق ساقتاۋ, جۇمىس­پەن قامتۋ, الەۋمەتتىك جاردەم ماسەلەلەرى تولعاندىراتىنى بايقالدى.
– مەن ءوزىمىزدىڭ ءۇيىمىز قارايتىن «سكيف» تۇر­عىن­جايلار يەلەرى كووپەراتيۆىنە قاتىستى شاعىمىمدى ايتۋعا جانە ونىڭ قالاي شەشىلەتىنىن بىلۋگە كەلدىم. وسىندا قابىلداعان قالالىق ورتا ساپاسى جانە باقىلاۋ باسقارماسى وكىلدەرىنە بارلىق جاعدايدى جەتكىزدىم. جالپى, وسىنداي قابىلداۋلار وتكىزىپ تۇرسا جاقسى بولار ەدى, ايتپەسە قالانىڭ ءار جەرىنە بارىپ-ءجۇرۋ وڭاي ەمەس. اكىمدىككە ريزاشى­لىعىمدى بىلدىرەمىن, – دەيدى قالا تۇرعىنى باقتىگۇل بەيسەنوۆا دا كوڭىلى جايلانىپ.
جالپى, بايقوڭىر اۋدانى بويىنشا «اشىق اكىمدىك» ءىس-شاراسى بارىسىندا 150-گە جۋىق ادام وتىنىشپەن كەلىپ, وزدەرىن تولعاندىر­عان ماسەلەلەرىن قاراستىرىپ, ساۋالدارىنا جاۋاپ الدى.