ەسىل اۋدانىنىڭ اكىمى اسىلبەك ەسەنباەۆ جەكە قابىلداۋىن وتكىزدى.
تۇرعىندار اپتا سايىن اۋلا اۋماقتارىن اباتتاندىرۋ, كوشەلەردى, اۋلالاردى قوسىمشا جارىقتاندىرۋ, سونداي-اق الەۋمەتتىك كومەك كورسەتۋ ماسەلەلەرىن اكىمدىك قابىرعاسىندا شەشۋدى تالقىلايدى.
قازىردىڭ وزىندە كوكتەم مەزگىلى قارساڭىندا تۇرعىنداردان قوسىمشا اباتتاندىرۋ جۇمىستارىنا قاتىستى وتىنىشتەر كوبەيىپ كەلەدى. كەلىپ تۇسكەن وتىنىشتەر تىزىمگە ەنگىزىلگەن, قارجىلاندىرۋ بولىنگەن جاعدايدا اعىمداعى جىلدىڭ وزىندە جۇمىستار جۇرگىزىلەتىن بولادى.
بۇل رەتتە ءجيى كەزدەسەتىن ماسەلە – تۇرعىنداردىڭ جوسىقسىز قۇرىلىس سالۋشىلار تۋرالى شاعىمدارى, مەنشىك يەلەرىنىڭ بىرلەستىكتەرىن قۇرۋداعى قيىندىقتار, ۇيلەردى پايدالانۋعا بەرۋ ءۇشىن قۇجاتتاردى الۋ. وسىنىڭ ءبارى كەزەڭ-كەزەڭىمەن بىرلەسىپ شەشىلۋدە.
باسقارما قىزمەتكەرلەرى جوسىقسىز قۇرىلىس سالۋشىلارعا بايلانىستى تۋىنداعان ماسەلەلەردى شەشۋدە كونسۋلتاتيۆتىك كومەك كورسەتەدى.
