«قازاقستاندىقتاردىڭ ەكولوگيالىق مادەنيەتىن كوتەرۋ قاجەت» دەيدى بايتاقتىقتار. الماتى قالاسىندا جاسىلدار پارتياسىنىڭ وكىلدەرى, ءماجىلىس پەن قالالىق ءماسليحات دەپۋتاتتىعىنا ۇمىتكەرلەر ستۋدەنتتەرمەن بىرىگىپ, ەكولوگيالىق تاربيەنىڭ ماڭىزى جايىندا دوڭگەلەك ۇستەل وتكىزدى.
پارتيا وكىلدەرى قازاقستاندىقتار اراسىندا وتكىزگەن ساۋالناما ناتيجيەسىندە حالىقتىڭ تەك 47 % قورشاعان ورتانىڭ ماسەلەلەرىن ءتۇسىنىپ, ەكولوگيالىق ءومىر ءسۇرۋ سالتىنا كوشۋ ارقىلى عانا ونى شەشۋگە بولاتىنىن تۇسىنەتىنىن انىقتاعان. «بايتاق» پارتياسىنىڭ قولداۋىمەن ۇيىمداستىرىلعان اۋقىمدى ءىس-شاراعا الماتى جاستارىنىڭ جۇزگە جۋىق وكىلى قاتىستى. دوڭگەلەك ۇستەلدە قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتار ارمان قاشقىنبەكوۆ پەن اينۇر ءسابيتوۆا ءسوز سويلەدى. سونىمەن قاتار, كەزدەسۋگە ەلوردالىق ءماسليحاتتىڭ جاسىلدار پارتياسىنان دەپۋتاتتىعىنا كانديداتتار مەن استانا قالاسى شتابىنىڭ مۇشەلەرى, 18 جاستان اسقان جاستار, ستۋدەنتتەر مەن قوعامدىق پىكىر كوشباسشىلارى قاتىستى. كەزدەسۋ بارىسىندا حالىققا ەكولوگيالىق ءبىلىم بەرۋ جايىندا ۇسىنىستار ازىرلەنىپ, بايتاقتار وسى تاقىرىپتا جاڭا جوبا ۇسىناتىن بولادى.
ەلورداداعى №2-سايلاۋ وكرۋگىندە وتكەن كەزەكتى كەزدەسۋدە تۇرعىندار ارقانىڭ التى اي قىسىندا اۋلالارداعى قالىڭ قاردىڭ ۋاقتىلى كۇرەلمەيتىنىن, كوكتايعاق سالدارىنان كولىك قاتىناسى قيىنداپ, جاياۋ جۇرگىنشىلەردىڭ ءجۇرىپ-تۇرۋىنا قاۋىپ توندىرەتىنىنە قىنجىلىس ءبىلدىردى. سونىمەن قاتار, كۇن جىلىنا باستاسا بولدى, ەرىگەن قار سۋىنان كوشەلەر كولكىپ, اۋلالار مەن بالالار الاڭقايىندا اياق الىپ ءجۇرۋ مۇمكىن ەمەستىگىن اشىنىپ ايتتى.
«قىتىمىر قىستىڭ ايازدى كۇندەرىندە پاتەرلەردەگى جىلۋ دەڭگەيى ەداۋىر تومەندەپ, كەيبىر كوپقاباتتى ۇيلەردىڭ تۇرعىندارى بۇرسەڭ قاعىپ شىعادى. بۇل ازداي, ىستىق سۋ دا تۇراقتى بەرىلمەي, الاڭداۋشىلىق تۋعىزادى».
№2 وكرۋگ تۇرعىندارىنىڭ وسىنداي تالاپ-تىلەگىمەن تانىسقان «بايتاق» پارتياسىنىڭ بەلسەندىلەرى ءتۇيىنى تارقاماعان تۇيتكىلدەردى ۇدايى نازاردا ۇستاپ, تالايدان بەرى شەشىمىن تاپپاعان شەتىن ماسەلەلەردى جەرگىلىكتى اتقارۋشى بيلىكتىڭ الدىنا كولدەنەڭ تارتاتىنىن جەتكىزدى.
