ەلوردادا قاراعاندى وبلىسىنىڭ اۋىل شارۋاشىلىعى تاۋارىن وندىرۋشىلەردىڭ جارمەڭكەسى ءوتتى. قاراعاندىلىق شارۋالار ەلوردالىقتارعا 600 تونناعا جۋىق 117 تاۋار ءتۇرىن ۇسىندى.
جارمەڭكەگە 126 فەرمەرلىك جانە اۋىلشارۋاشىلىق كاسىپورىن ءوز تاۋارلارىن الىپ كەلدى. جالپى سوماسى 750 ميلليون تەڭگە بولاتىن اۋىل شارۋاشىلىعى تاۋارى ساۋدالاندى. ولاردىڭ ىشىندە ەت, كوكونىس, ءسۇت ونىمدەرى مەن قۇس ەتى, شۇجىققا سۇرانىس جوعارى بولدى.
تامىز ايىنان باستالعان جارمەڭكە ارقىلى ەلوردالىقتار ارزان ءارى ساپالى ازىق-تۇلىك تۇرلەرىمەن قىسقى قورىن قامداۋ مۇمكىندىگىنە يە بولىپ جاتىر.
– قالادا وبلىستاردىڭ اۋىل شارۋاشىلىعى تاۋارىن وندىرۋشىلەردىڭ اۋىلشارۋاشىلىق جارمەڭكەسىنە بۇگىنگە دەيىن 9 ءوڭىر كەلدى. ولاردا 380 كاسىپكەردىڭ 2,7 مىڭ توننا تاۋارى ساتىلدى. جارمەڭكەدە باعا ساياساتىنىڭ تۇراقتىلىعىن قامتاماسىز ەتۋ ءۇشىن ءتيىستى بولىمدەر باقىلاۋ جۇرگىزەدى. سونداي-اق ونىڭ ساپاسى, قاۋىپسىزدىگى, سانيتارلىق-ەپيدەميولوگيالىق جانە ۆەتەرينارلىق قىزمەت وكىلدەرىمەن باقىلانادى. جارمەڭكەگە دەيىن نۇر-سۇلتان قالاسى اكىمدىگىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ماماندارى وڭىرلەردىڭ نارىعىنداعى باعانى زەردەلەيدى. مۇنان بولەك, ۇلتتىق ستاتيستيكا بيۋروسىنىڭ سايتىنداعى ازىق-تۇلىك باعاسى بويىنشا ستاتيستيكالىق مالىمەتتەردى دە نازارعا الامىز. وسىلايشا جارمەڭكەگە كەلەتىن وڭىرلەرگە ءوز ونىمدەرىن ساتۋعا قولايلى باعا ۇسىنامىز, – دەيدى نۇر-سۇلتان قالاسى اكىمدىگىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ ءبولىم باسشىسى رۋسلان ىدىرىسوۆ.
